ئەحمەد شەرع لەگەڵ وەزیری دەرەوەی ئەمریکا کۆدەبێتەوە

ئاڤا نیوز

لە میانی سەردانەکەی بۆ شاری نیویۆرکی ئەمریکا، ئەحمەد شەرع، سەرۆکی سووریا لەگەڵ مارکۆ ڕوبیۆ، وەزیری دەرەوەی ئەمریکا کۆبوویەوە، گفتوگۆیان لەسەر دۆخی سووریا کرد.

لێدوانی فەرمی: تۆمی پیگۆت جێگری وتەبێژی وەزارەتی دەرەوەی ئەمریکا رایگەیاند، سەبارەت بە کارە لەپێشینەکانی ئەمریکا لە سووریا مارکۆ ڕوبیۆ، لەگەڵ ئەحمەد شەرع سەرۆکی سووریا کۆبووەوە. 

لەلایەکی دیکەوە: وەزیری دەرەوەی ئەمریکا جەختی لەوەکردەوە کە ئەمە دەرفەتێکە بۆ سووریا بۆ بنیاتنانی وڵاتێکی سەقامگیر و خاوەن سەروەری، دوای ڕاگەیاندنە مێژووییەکەی سەرۆک ترەمپ لە سەرەتای ئەمساڵدا سەبارەت بە سووککردنی سزا و گەمارۆکان بۆ گەلی سووریا. 

زانیاریی زیاتر: هەروەها لە کۆبوونەوەکەدا گفتوگۆیان کرد دەربارەى هەوڵە بەردەوامەکانی دژە تیرۆر و هەوڵەکانی دۆزینەوەی ئەو هاوڵاتییە ئەمریکیانەى کە بێسەروشوێنن، هاوکات باسی گرنگی پەیوەندییەکانی نێوان ئیسرائیل و سووریا بۆ گەیشتن بەهێنانە کایەی ئاسایشیی زیاتر بۆ ناوچەکە کرا.