ئەمریکا ڕاهێنانێکی تایبەت بە هێزی ئاسایشی کوردستان دەکات

ئاڤا نیوز 

وەزارەتی دەرەوە و وەزارەتی جەنگی ئەمریکا بۆ یەکەمجار لە ناوچەکە ڕاهێنانێکی تایبەت بە وەڵامدانەوەی فریاگوزاریی بەهێزی ئاسایش دەکەن.

وێنە گەورەکە: لە کاتێکدا بەشی هەرە زۆری وڵاتانی جیهان لە ڕێگەی وەبەرهێنان لە ئەمریکا دەیانەوێت پەیوەندییەکانیان لەگەڵ وڵاتەکە بەهێز بکەن، هەرێمی کوردستان بە پێچەوانەوە هەوڵی ڕاکێشانی کۆمپانیاکانی وڵاتەکە دەدات، لەگەڵ ئەوەشدا کوردستان هاوبەشێکی سەرەکیی ئەمریکایە لە ڕووبەڕووبوونەوەی تیرۆر و بەرقەراربوونی ئاسایش و سەقامگیری لە ناوچەکە، هاوکات گەورەترین کۆنسوڵخانەی وڵاتەکە لە ناوچەکە کەوتووەتە هەولێر و لە داهاتوودا دەکرێتەوە.
 

ڕاگەیێنراوی فەرمی: کونسوڵخانەی گشتیی ئەمەریکا لە ھەولێر ڕایگەیاند: ڕاھێنانێکی ھاوبەشی وەڵامدانەوەی فریاگوزاریی لەگەڵ ئاسایشی دیپلۆماسی و سوپای ئەمەریکا و هێزی ئاسایشی کرد. بەشداربووان بە وردی کاریان بۆ بەھێزکردنی تواناکانیان بۆ وەڵامدانەوەی دۆخ و ئاستەنگەکان کردووە.

زانیاریی زیاتر: ئەم ھاوکارییە نوێیە لە نێوان وەزارەتی دەرەوە و وەزارەتی جەنگی ئەمریکا ھەنگاوێکی گرنگە، وەک یەکەم ڕاھێنانی لەم جۆرە لە ناوچەکەدا. هاوکات بەھێزکردنی ھاوپەیمانیی ئاسایشی ئەمەریکا لەگەڵ ھەرێمی کوردستان و نیشاندانی پێشەنگی ئەمەریکایە، بە جۆرێک دەستپێشخەرییەکە پشتگیری لە پابەندبوونی ھاوبەش دەکات بۆ ئاسایشی ناوچەکە.