ڕووسیا تووشی کورتهێنان لە بودجەی سەربازی دەبێتەوە

ئاڤا نیوز

ماوەی سێ ساڵە جەنگی نێوان ڕووسیا و ئۆکراینا بەردەوامە و هەوڵە دیپلۆماسییەکان بۆ کۆتایی هێنان بەو جەنگە خاو بوونەتەوە و ڕووسیا بیر لەوە دەکاتەوە کە لەڕێگەی سەپاندنی باج بەسەر هاووڵاتیە ڕووسییەکانەوە پێداویستی و بودجەی سەربازی بۆ ساڵی 2026 دابین بکات.

چیرۆکی سەرەکی: وەزارەتی دارایی ڕووسیا بیر لەوە دەکاتەوە کە باج بەسەر ناوەند و بازرگان و وەبەرهێنەرە ڕووسییەکان بسپەێنێت بەمەبستی ڕووبەڕووبوونەوەی کەمبوونەوەی بودجەی بەرگری و سەربازی ڕووسیا.

لێدوانی فەرمی: سەرچاوەیەک لە وەزارەتی دارایی ڕووسیا بە ئاژانسی ڕۆیتەرزی ڕایگەیاندووە، ڕووسیا بیر لەوە دەکاتەوە بۆ ساڵی 2026 ڕێژەی باج بەسەر ناوەندە بازرگانییەکان و بازرگان و وەبەرهێنەرە ڕووسییەکان بەرزبکاتەوە لە 20% بۆ 22% بۆئەوەی ڕووبەڕووی ئەو کورتهێنانە ببێتەوە کە لە بودجەی سەربازی دووچاری ڕووسیا بووەتەوە.

ئەمەش بزانە: ڕووسیا بەو کارە 1.3 ترلیۆن ڕوبڵی ڕووسی بۆ دەگەڕێتەوە کە دەکات 15.5 بلیۆن دۆلار  و هەموو ئەو بڕە پارەیە تەرخان دەکات بۆ بەرگری و ئاسایشی ڕووسیا.

لەلایەکی دیکەوە: پێشووتر دۆناڵد ترەمپ، سەرۆکی ڕووسیا باسی لەوە کردبوو کە ڕووسیا ماوەی سێ ساڵە لە جەنگێکی بێمانادایە لەگەڵ ئۆکراینا، هاوکات ڕاشیگەیاندبوو کە ڕووسیا لە دۆخێکی "ئابووری خراپدایە".

زانیاری زیاتر: تەنیا لە ساڵی ڕابردوودا ڕووسیا بۆ ڕووبەڕووبوونەوەی مەترسییەکان و هەڕەشەکاندا 149 بلیۆن دۆلاری لە سیستەمی بەرگری وڵاتەکەیدا خەرجکردووە و 19%ـی بودجەی فیدراڵی ڕووسیا بۆ وەزارەتی بەرگری تەرخانکراوە.