پسپۆڕانی تەندروستیی: وشکبوونەوەی جەستە زۆرجار هۆکاری سەر ئێشەیە

ئاڤا نیوز

یەکێک لە بەربڵاوترین ئازارەکان کە بەشێوەیەکی گشتیی هەموو تەمەنێک تووشی دەبێت "سەر ئێشە"یە، ئەمەش چەند هۆکارێکی هەیە بەڵام ڕەنگە مرۆڤ پێشتر بەهەندی وەرنەگرتبێت. 

وێنە گەورەکە: پسپۆڕانی تەندرووستی ئاماژە بەوە دەدەن، دەکرێت چارەسەرکردنی یەكێک لە بەربڵاوترین ئازارەکان بە چەند ڕێگەیەکی سادە و ساکار بێت و گرنگییەکی ئەوتۆیان پێ نەدرابێت، بەڵام دەکرێت بە پەیڕەوکردنی سوودێکی گەورەی هەبێت. 

چارەسەرەکان چین؟: ئاو خواردنەوەی پێویست یەکێکە لە ڕێگا کاریگەرەکان، وشکبوونەوەی جەستە زۆرکات دەبێتە هۆی دروستبوونی ئازاری سەر.

شێلانی بەشی پشتەوەی سەر یەکێکی دیکەیە لە ڕێگە کاریگەرەکان.

زۆر کات ئازاری سەر بەهۆی گرژبوونی ماسولکەوە دروست دەبێت یاخود زۆر دانیشتن و زۆر بەکارهێنانی موبایل و کۆمپیتەر، هەر بۆیە وەرزش کردن ڕێگەیەکی باشە بۆ ڕزگاربوون لە سەر ئێشە.

هەروەها بۆ خاوبوونەوەی ماسولکەکانی جەستە، خۆشۆردن بە ئاوی گەرم ڕێگەیەکی کاریگەرە.

هەروەها خواردنی بیبەری تیژیش بە ئازار شکێنی سرووشتی دادەنرێت.