کونسوڵخانەی ئەمریکا لە هەولێر: پێشوازی لە ڕێککەوتنی دووبارە کردنەوەی بۆری نەوت دەکەین

ئاڤا نیوز

کونسوڵخانەی ئەمریکا لە هەولێر، ڕاگەیێنراوێکی لەبارەی ڕێککەوتنی سێقۆڵی هەناردەکردنەوەی نەوتی کوردستان بڵاوکردەوە و ڕایگەیاند، پێشوازی لەو ڕێککەوتنە دەکەن.

ڕاگەیێنراوی فەرمی: کونسوڵخانەی ئەمریکا لە هەولێر ڕایگەیاند، پێشوازی لە ڕێککەوتنی نێوان حکومەتی عێراق و هەرێمی کوردستان و کۆمپانیا نێودەوڵەتییەکان دەکەین بۆ دووبارە کردنەوەی بۆری نەوتی عێراق – تورکیا. ئەم ڕێککەوتنە لەلایەن ئەمریکاوە ئاسانکاری بۆ کراوە و سوودی بەرجەستە بۆ ئەمریکا و عێراق دەستەبەر دەکات.

لە ڕاگەیێنراوەکەی کونسوڵخانەی ئەمریکا ئەمانەش هاتوون:

-    دەستخۆشی لە هەوڵە چارەنووسسازەکانی سەرۆکوەزیرانی عێراق و مەسرور بارزانی، سەرۆکوەزیرانی کوردستان دەکەین بۆ گەیشتن بەم دەرئەنجامە.

-    ئه‌م ڕێككه‌وتنه‌ ده‌بێته‌ هۆى به‌هێزكردنى هاوبه‌شى ئابوورى سوودمه‌ند له‌نێوان ویلایه‌ته‌ یه‌كگرتووه‌كان و عێراق، هانده‌ر ده‌بێت بۆ ده‌سته‌به‌ركردنى ژینگه‌یه‌كى وه‌به‌رهێنانى سه‌قامگیرتر بۆ كۆمپانیا ئه‌مریكیه‌كان له‌سه‌رانسه‌رى عێراق و بره‌وپێدانى ئاسایشى ووزه‌ له‌ ناوچه‌كه‌ و پته‌وكردنى سه‌روه‌رى عێراق.