پەیامێکی پشتیوانی لە ئەمریکا بۆ مەسرور بارزانی و سوودانی

ئاڤا نیوز

مارکۆ ڕۆبیۆ، وەزیری دەرەوەی ئەمریکا لە ڕاگەیێنراوێكی ڕۆژنامەوانیدا پێشوازی لە ڕێککەوتنی هەناردەکردنەوەی نەوتی کوردستان دەکات.

ڕاگەیێنراوی فەرمی: مارکۆ ڕۆبیۆ، وەزیری دەرەوەی ئەمریکا لە پەیامێکدا ئەمەی ڕاگەیاندووە، "پێشوازی لەو ڕاگەیاندنە دەکەین کە حکومەتی عێراق لەگەڵ حکومەتی هەرێمی کوردستان و کۆمپانیا نێودەوڵەتییەکان گەیشتووەتە ڕێککەوتن بۆ دووبارە کردنەوەی بۆری عێراق-تورکیا، ڕێکەوتنەکە لەلایەن ئەمریکاوە ئاسانکاری بۆ کراوە و سوودی بەرجەستەی بۆ هەردوو ئەمریکی و عێراقی دەبێت.


دەستخۆشی لە هەوڵە چارەنووسسازەکانی محەمەد شیاع سودانی، سەرۆکوەزیرانی عێراق و بەرپرسانی باڵای حکومەتی عێراق و هەروەها مەسرور بارزانی، سەرۆکوەزیرانی هەرێمی کوردستان و بەرپرسانی باڵای حکومەتی هەرێمی کوردستان دەکەین کە وایان کرد ئەم ڕێککەوتنە بێتە دی. ئەم ڕێککەوتنە دەبێتە هۆی بەهێزکردنی سوودی ئابووریی دوولایەنە بۆ ئەمریکا و عێراق و هەروەها هاندەر دەبێت بۆ ژینگەیەکی وەبەرهێنانە سەقامگیرتر لە سەرانسەری عێراق بۆ کۆمپانیا ئەمریکییەکان، بەرزکردنەوەی ئاسایشی وزەی ناوچەکە و بەهێزکردنی سەروەری عێراق".

چی ڕوودەدات: دوای زیاتر لە دوو ساڵ و نیو ئەمڕۆ پێنجشەممە، مەسرور بارزانی سەرۆکوەزیرانی کوردستان و محەممەد شیاع سوودانی، سەرۆکوەزیرانی عێراق ڕێککەوتنی هەناردەکردنەوەی نەوتی کوردستانیان ڕاگەیاند و بڕیارە کاتژمێر 6:00ـی ڕۆژی شەممە 27-9-2025 نەوتی کوردستان بە بۆری نەوتی هەرێمی کوردستان - جەیهان دووبارە هەناردە بکرێتەوە.