بە هۆی بایکۆتەوە، ستاربەکس بە سەدان لقی دادەخات

ئاڤا نیوز

زنجیرە قاوەخانەکانی ستاربەکس سەدان لق خۆی لە ئەمریکا و کەنەدا و ئەوروپا دادەخات.

چیرۆکی سەرەکی: بەهۆی بایکۆتی لاینەگرانی فەڵەستین و ڕەخنەگرانی هێرشەکانی ئیسرائیل بۆ سەر کەرتی غەززە، فرۆشی ستاربەکس، کە لە شەڕی غەززەدا پشتیوانیی لە ئیسرائیل دەکات، کەمیکردووە و بەهۆیەوە ناچار بووە سەدان لقی دابخات و نزیکە 900 کارمەندیش دەربکات.

زانیاریی زیاتر: ستاربەکس ژمارەی ئەو لقانەی ئاشکرا نەکردووە کە داخراون، بەڵام بە گوێرەی توێژینەوەکان لە چارەکی چوارەمی ساڵی داراییدا تەنیا لە باکووری ئەمریکا نزیکەی 500 لقی داخستوون. 

ئەمەش بزانە: چاوەڕێ دەکرێت بەسەدان لقی دیکەی ستاربەکس لە بەریتانیا، نەمسا و سویسرا دابخرێن.

لەلایەکی دیکەوە: تەنیا لە یەک ڕۆژدا نرخی پشکەکانی ستاربەکس بە ڕێژەی 1% دابەزیوە.

بە تەنیشت ئەم بابەتەوە: پێشتریش هەموو لقەکانی کەی ئێف سی لە تورکیا، کە ژمارەیان 537 لق بوون، بە هۆی بایکۆتی کڕیارانەوە داخران. 

باکگراوند: بەهۆی هێرشەکانی ئیسرائیلەوە بۆ سەر کەرتی غەززە کە زیاتر لە 65 هەزار کەس کوژراون، لەسەر ئاستی جیهان بایکۆتی کۆمپانیا و بەرهەمە ئیسرائیلییەکان دەکرێت.