کۆمپانیاکانی بەرهەمهێنانی نەوت: هەموو ئامادەکارییەک کراوە و سبەی نەوت هەناردە دەکەین

ئاڤا نیوز

سەرچاوەیەک لە کۆمپانیاکانی بەرهەمهێنانی نەوت لە هەرێمی کوردستان جەخت لە ناوەڕۆکی لێدوانی بەرپرسانی هەرێمی کوردستان و عێراق دەکاتەوە و دەڵێت،  سبەی نەوت هەناردە دەکەین.


چیرۆکی سەرەکی: ڕۆژی پێنجشەممە 25-9-2025 بەفەرمی ڕێککەوتنی سێقۆڵی لەنێوان حکومەتی هەرێمی کوردستان و حکومەتی عێراق و کۆمپانیاکانی نەوت، لەبارەی هەناردەکردنەوەی نەوتی کوردستان واژۆ کرا.

لێدوانی فەرمی: سەرچاوەیەک لە کۆمپانیاکانی بەرهەمهێنانی نەوت لە هەرێمی کوردستان بە ئاڤا میدیای ڕاگەیاند: هەموو ئامادەکارییەکان تەواو کراون و کاتژمێر شەشی سەرلەبەیانیی سبەی شەممە 26-9-2025 دەست بە هەناردەکردنی نەوتی هەرێمی کوردستان دەکەین.

زانیاریی زیاتر: نەوتی هەرێمی کوردستان لە ڕێگای بۆریی نەوتی هەرێم - جەیهان، جارێکی دیکە دەگاتەوە بازاڕی جیهانیی و لە لایەن کۆمپانیای سۆمۆوە بەبازاڕ بکرێت و داهاتەکەی دەگەڕێتەوە بۆ خەزێنەی فیدڕاڵیی، سەرەڕای پێدانی مانگانەی بەشی گەنجینەی فیدڕاڵیی لە داهاتە نانەوتییەکانی هەرێم، بەمەش هەرێمی کوردستان بەشدار دەبێت لە زیادکردنی داهاتی گەنجینەی فیدڕاڵیی عێراق و جارێکی دیکە لە بوودجەی گشتی عێراقەوە تەرخان دەکرێتەوە بۆ دابینکردنی مووچە و شایستەکانی هەرێمی کوردستان".