پزیشکیان: پشتیوانی هەر ئاگربەستێک لە غەززە دەکەین

ئاڤا نیوز

 

مەسعود پزیشکیان، سەرۆککۆماری ئێران دەڵێت، پشتیووانی لە هەر ئاگربەستێک و ڕێککەوتنێک لە غەززە دەکەن کە بتوانێت ئەم کارەساتە ڕابگرێت و ژیانی خەڵک ڕزگار بکات و ئازارەکانی ژنان و منداڵان لە برسێتی ڕابگرێت.

 

چیرۆکی سەرەکی: شەڕی غەززە لە دووەم ساڵی نزیک دەبێتەوە و هەوڵەکان بۆ ڕاگرتنی شەڕەکە چڕتربوونەوەتەوە بەڵام تائێستا لایەنە شەڕکەرەکان و نێوەندگیرەکان لەسەر نەخشەڕێگایەکی هاوبەش بۆ کۆتاییهێنان و ڕاگەیاندنی ئاگربەستی هەمیشەیی نەگەیشتوونەتە ڕێککەوتن.

 

زانیاریی زیاتر: ئیدارەی ترەمپ پلانی ئاشتی لە 21 خاڵدا بۆ کۆتاییهێنان بە جەنگی غەززە خستووەتە بەردەم سەرکردەکانی عەرەب و چاوەڕوان دەکرێت پلانەکە لەلایەن قەتەرەوە بگەیەنرێتە سەرکردایەتیی حەماس.