ئاڤای خەڵک؛ هۆڵێکی بۆنە ئایینییەکان لە چوارقوڕنە پێش کردنەوەی وێران بووە

ئاڤا نیوز

ماوەی نزیکەی ساڵێکە لە شارۆچکەی چوارقوڕنە، باڵەخانەی هۆڵێکی تایبەت بە بۆنە ئایینییەکان تەواو کراوە، بەڵام تا ئێستا نەکراوەتەوە و بە داخەوە لەبری ئەوەی ببێتە ناوەندێکی خزمەتگوزاری ئایینی، بووەتە قوربانی فەرامۆشی و خەمساردی.

زانیاریی بەدەستهاتوو: بەپێی ئەو زانیارییانەی دەست ئاڤا کەوتوون، لە حەوشەی هۆڵەکەدا مریشک و پەلەوەری تر بەخێو دەکرێت، کە ئەمەش نیشانەی نەبوونی چاودێری و پاراستنی شوێنەکەیە. هەروەها، پەنجەرەکانی هۆڵەکە شکێنراون و بەر دەرگاکەی کراوە بە زبڵدان، بە شێوەیەک کە بڕێکی زۆر لە زبڵ و پاشماوەی ئاژەڵ فڕێدراوەتە ناوی.

لێدوانی فەرمی: سەرۆکی شارەوانی چوارقوڕنە، بە ئاڤای ڕاگەیاند، بەدواداچوون بۆ کێشەکە دەکەن و کاری جددی بۆ چارەسەرکردنی دەکەن.