ڕوسیا یارمەتی چین دەدات بۆ پڕچەککردن و ڕاهێنانی هێزی ئاسمانی

ئاڤا نیوز

بەپێی چەند بەڵگەنامەیەک کە دزەیان پێکراوە، ڕوسیا ڕەزامەندی دەربڕیوە بۆ یارمەتیدانی چین لە پڕچەککردن و ڕاهێنانی هێزی ئاسمانی، ئەمەش وەک نیشانەیەک بۆ بەردەوام قووڵبوونەوەی پەیوەندییە سەربازییەکانی نێوان پەکین و مۆسکۆ.

چیرۆکی سەرەکی: بەپێی ئەو بەڵگەنامانەی کە لەلایەن گروپێکی هاککەرەوە بە ناوی "مانگی ڕەش" دزەیان پێکراوە، ڕوسیا لە ساڵی 2023 ڕەزامەندی داوە کە ژمارەیەک کەرەستەی سەربازی بە سوپای چین بفرۆشێت. ئەم کەرەستانە بریتین لە ئۆتۆمبێلی هێرشبەر، چەکی دژە تانک و ئۆتۆمبێلی زرێپۆشی گواستنەوەی سەرباز.

زانیاریی زیاتر: بەگوێرەی بەڵگەنامەکان، ڕووسیا ڕاهێنانی پێویست بە لیوایەکی سەربازی پەڕەشوتەوانی چینی دەکات بۆ بەکارهێنانی ئەو ئۆتۆمبێلە زرێپۆشانە، کە بڕیارە بە سیستمی پەیوەندی و کۆنترۆڵی چینی پڕچەک بکرێن. هەروەها، بەپێی مەرجەکانی ڕێککەوتنەکە، ڕوسیا تەکنەلۆژیاش دەگوازێتەوە بۆ چین کە ڕێگە بە پەکین دەدات چەکی هاوشێوە بەرهەم بهێنێت.

ئەوەی لەبارەیەوە دەگوترێت: ئەگەر ئەم ڕێککەوتنە بە تەواوی جێبەجێ بکرێت، تواناکانی مانۆڕی ئاسمانی چین بەهێزتر دەکات، کە یەکێکە لەو بوارانەی تا ئێستا سوپای ڕووسیا پێشکەوتنی زیاتری بەسەر سوپای چیندا هەبووە.