ئەمریکا ڤیزای سەرۆکی کۆڵۆمبیا هەڵدەوەشێنێتەوە

ئاڤا نیوز

وەزارەتی دەرەوەی ئەمریکا ڕایگەیاند، ڤیزەی گوستاڤۆ پێترۆ، سەرۆکی کۆڵۆمبیا هەڵدەوەشێننەوە.

چیرۆکی سەرەکی: لە پەراوێزی سەردانیکردنی بۆ نیویۆرک بۆ بەشداریکردنی لە کۆبوونەوەی ئەنجوومەنی گشتیی نەتەوەیەکگرتووەکان، سەرۆکی کۆڵۆمبیا بەشداریی لە خۆپیشاندانێکی لایەنگرانی فەلەستین کرد. وەزارەتی درەوەی ئەمریکا ئەویان بە ئەنجامدانی "کردەوەی تێکدەرانە" تۆمەتبار کرد. 

زانیاریی زیاتر: پێترۆ لە وتارەکەیدا لە کۆبوونەوەی نەتەوەیەکگرتووەکان بە تووندی سەرزەنشتی ئیدارەی ترەمپی کرد و داوای کرد لێکۆڵینەوەی تاوانکاری لە هێرشەکانی ئەم دواییەی ئەمریکا بۆ سەر ئەو بەلەمانە بکات کە گوایە بۆ بازرگانیکردن بە ماددەی هۆشبەر لە کەناراوەکانی کاریبی بەکار براون.

ئەمەش بزانە: پیترۆ داوای لە گەلانی جیهان کردووە سوپایەکی "گەورەتر لە سوپای ئەمریکا" درووست بکەن و هاوکات داوای لە سەربازانی سوپای ئەمریکا کردووە "تفەنگەکانیان ئاراستەی مرۆڤایەتیی نەکەن. سەرپێچی فەرمانی ترەمپ بکەن! گوێڕایەڵی فەرمانی مرۆڤایەتی بن!".

لەلایەکی دیکەوە: سەرۆکی کۆڵۆمبیا نووسیویەتی "گەیشتمەوە بۆگۆتا، چیتر ڤیزەم نییە بۆ گەشتکردن بۆ ئەمریکا، گرنگی پێنادەم".