بورهان کایاتورک: هەناردەکردنەوەی نەوتی کوردستان بۆ تورکیا هەنگاوێکی گرنگە

ئاڤا نیوز

لەسەر پرسی هەناردەکرنەوەی نەوتی هەرێمی کوردستان سەرۆکی ئەنجوومەنی هەماهەنگی یەکێتی ئەوروپا لە پەرلەمانی تورکیا ئەمە بە هەنگاوێکی گرنگ بۆ پەیوەندییەکانی نێوان هەرێمی کوردستان و تورکیا ناو دەبات

 

چیڕۆکی سەرەکی: كاتژمێر 6:00ـی بەرەبەیانی ڕۆژی شەممە، ڕێككەوتی 27ـی ئەیلوولی 2026، هەناردەكردنی نەوتی هەرێمی كوردستان بۆ بازاڕەكانی جیهان دەستیپێکردەوە ، ئەوەش دوای 30 مانگ لە وەستانی لەسەر سكاڵای حكومەتی فیدڕاڵ لە ژووری ناوبژیوانی نێودەوڵەتیی پاریس، هەفتەی ڕابردوو هەولێر و بەغدا لەسەر هەناردەكردنەوەی نەوت گەیشتنە ئەنجام و ڕێككەوتنی سێقۆڵی لەنێوان هەردوو حكومەتی هەرێمی كوردستان و حكومەتی فیدڕاڵ و كۆمپانیاكانی بەرهەمهێنانی نەوتی كوردستان واژۆ كرا.

لێدوانی فەرمی: بورهان کایاتورک، سەرۆکی ئەنجوومەنی هەماهەنگی یەکێتی ئەوروپا لە پەرلەمانی تورکیا بە ئاڤای ڕاگەیاند، دووبارە دەستپێکردنەوەی هەناردەکردنەوەی نەوتی هەێمی کوردستان بۆ تورکیا ئەمە هەنگاوێکی گرنگە، ئەمە دەتوانێت پەرە بە چالاکیی ئابووری نێوان هەردوو وڵات بدات هەرێمی کوردستان، بووەتە مەڵبەندێکی گرنگی ئابووری وە ئەمە بۆ تورکیاش سوودی هەیە ئەمەش ڕێگە بۆ پەرەسەندن و گەشەسەندنی پەیوەندیی ئابووری و بازرگانی نێوان هەردوولا خۆشتر دەکات

زانیاریی زیاتر: ناوبراو لە درێژەی قسەکانیدا وتی، کورد و تورک پەیوەندی خزمایەتییان هەیە، جیا لە هەموو پەیوەندییە بازرگانی و ئابوورییەکانی دیکە، ئامادەیی تورکیاشی بۆ ئەنجامدانی ڕێککەوتنی نوێ لە بواری ئابووری و بازرگانی لەگەڵ هەرێمی کوردستان و عێراق دەربڕی