هاوسەری سەید عەلی سیستانی کۆچی دوایی کرد

ئاڤا نیوز

هاوسەری مەرجەعی باڵای شیعەکان، سەید عەلی سیستانی کۆچی دوایی کرد و سبەی دووشەممە تەرمەکەی لە مزگەوتی شێخ تووسی بە خاک دەسپێردرێت.

چیرۆکی سەرەکی: ئێوارەی ئەمڕۆ یەکشەممە، خاتوو عەلەوییە، کچی ئایەتوڵڵا سەید میرزا حەسەن، نەوەی سەید موجەددی شیرازی، هاوسەری مەرجەعی باڵای شیعەکان، ئایەتوڵڵا سەید عەلی حوسێنی سیستانی کۆچی دوایی کرد.

ڕاگەیێنراوی فەرمی: عەتەبەی حوسێنی لە نەجەف بڵای کردەوە، تەرمەکەی کاتژمێر نۆی بەیانی ڕۆژی دووشەممە، 29ـی ئەیلوول لە مزگەوتی شێخ تووسی بە خاک دەسپێردرێت.

هاوکات پرسەکەی لە ڕۆژانی دووشەممە و سێشەممە، دوای نوێژی مەغریب و عیشا، لە مزگەوتی خەزرا بەڕێوەدەچێت.