وادەی دەستپێیکردنی دەوامی زانکۆی سلێمانی دیاریکرا

ئاڤا نیوز

ئەنجوومەنی زانکۆی سلێمانی بڕیاریدا ڕۆژی 30ـی ئەم مانگە واتا سبەی سێشەممە، دوامی فەرمی قوتابیانی زانکۆی سلێمانی دەستپێبکاتەوە.

وێنە گەورەکە: ساڵانە لە مانگی 9 دەوامی زانکۆکانی هەرێمی کوردستان دەستپێدەکات، بەڵام دەوامی زانکۆکان لە یەک کاتتدا نییە و هەر زانکۆیەک بەپێی تایبەتمەندی خۆی دەوامی فەرمی دەستپێدەکات.

لێدوامی فەرمی: د. یۆهان عوسمان، بەڕێوەبەری ڕاگەیاندن و پەیوەندییەکانی زانکۆی سلێمانی بە ئاڤای وت، لە کۆبوونەوەی ئەنجوومەنی زانکۆی سلێمانی بڕیاردراوە ڕۆژی 2025-09-30، دەوامی فەرمی قوتابییان لە سەرجەم بەشەکانی زانکۆی سلێمانی دەستپێدەکات.

د. یۆهان دەشڵێت: کێشەی بەشە ناوخۆییەکانمان چارەسەر کردووە و ئەمساڵ کێشەیەکی ئەوتۆمان نەماوە.

ژمارەکان وادەڵێن: ئەمساڵ لەسەرجەم بەشەکانی زانکۆی سلێمانی جگە لە قۆناغی یەک، 20 هەزار و 969 قوتابی دەخوێنن. چاوەڕێ دەکرێت ژمارەی قوتابیانی قۆناغی یەک زیاد بکات ئەمەش بەهۆی ئەوەی ئەمساڵ کۆلیژی ئاسایشی نیشتمانی بە سێ بەشەوە زیاد بووە، ئەمە جگە لەوەی دوو بەشی دیکەش بۆ کۆلیژەکانی ئەم زانکۆیە زیاد بوون.