بەشی "بۆماوەزانی گەردی" لە زانکۆی سەڵاحەددین دەکرێتەوە

ئاڤا نیوز

زانكۆی سەڵاحەددین بەشی "بۆماوەزانی گەردی" لە كۆلێژی زانست دەكاتەوە. بەوتەی بەڕێوەبەری ڕاگەیاندنی زانکۆی سەڵاحەددین چەندین تاقیگەی پێشكەوتووی بواری بۆماوەزانیی گەردی كە تازە لە شارەكانی هەرێمی كوردستان كراونەتەوە، پێویستیی زۆریان بە دەرچووانی ئەم لقە هەیە.

ئەوەی پێویستە بیزانیت: بۆماوه‌زانیی گه‌ردى بووەتە به‌ردى بناغه‌ى زانستیی زينده‌وه‌رزانیی هاوچه‌رخ و ڕۆڵێكى باڵاى هه‌يه‌ له‌ ده‌ستنيشانكردنى نه‌خۆشيه‌كانى هاوشێوەی؛ شێرپه‌نجه‌، ئۆتيزم و چه‌ندان نه‌خۆشى تر.

لێدوانی فەرمی: سامان عەبدوڵڵا، بەڕێوەبەری ڕاگەیاندنی زانکۆی سەڵاحەددین بە ئاڤای ڕاگەیاند، زانکۆی سەڵاحەددین، لقێکی نوێی به‌ناوى 'بۆماوه‌زانى گه‌ردى- ' Molecular Genetics له‌ به‌شى بايۆلۆجیی كۆلێژى زانست كردەوە و بەشەکە بۆ ساڵى خوێندنى (2025-2026) بەردەست دەبێت و دەرچووانی پۆلی 12ـی زانستی دەتوانن خواستی وەرگرتنیان بۆ ئەم بەشە پێشكەش بكەن.

زانیاریی زیاتر: پرۆگرامى خوێندنى بەشی بۆماوەزانیی گەردی‌ نوێيه و‌ پشتبه‌ست به‌ پرۆگرامى خوێندنى زانكۆ پێشكه‌وتووه‌كانى جيهان ئاماده‌كراوه‌.