شاندی باڵای پارتی و یەکێتی لە پیرمام کۆبوونەوە

ئاڤا نیوز

 کەمێک لەمەوبەر سەرۆک مەسعود بارزانی لە پیرمام پێشوازی لە شاندی یەکێتی کرد و تەوەری کۆبوونەوەکە پێکهێنانی کابینەی نوێی حکومەتە.

زانیاری بەدەستهاتوو: دوای گەیشتنی شاندی یەکێتی، لەلایەن سەرۆک مەسعود بارزانی و نێچیرڤان بارزانی و مەسرور بارزانی پێشوازییان لێکرا. شاندی یەکێتی پێکهاتبوون لە بافڵ تاڵەبانی، قوباد تاڵەبانی و دەرباز کۆسرەت ڕەسوڵ. کۆبوونەوەکە دەستیپێکردووە، تەوەری سەرەکی کۆبوونەوەکە پێکهێنانی کابینەی نوێی حکومەتی هەرێمی کوردستانە.

ئاڤا زانیویەتی، یەکێک لە داواکارییەکانی یەکێتی وەزیری ناوخۆ و یەکێک لە پۆستەکانی سەرۆکایەتی. هێشتا نازارنرێت پارتی بەم داوایەی یەکێتی ڕازی دەبێت یان نا. بەڵام بەر لە نیوەڕۆی ئەمڕۆ دەرباز کۆسرەت بۆ میدیاکان وتی، لەبارەی پێکهێنانی حکومەت هەواڵی خۆش دەبیستن.