لە دیاله "ئێندۆمی بە هێلکە و مۆز"ـەوە کۆتایی بە ژیانی دوو منداڵ دەهێنێت

ئاڤا نیوز

بەهۆی ژەمەخواردنێک، چوار منداڵی خێزانێک کە تەمەنیان لەنێوان پێنج بۆ 14 ساڵ دەبوو ژەهراوی دەبن و دووانیان گیانلەدەستدەدەن و دوانی دیکەشیان هێشتا لەژێر چاودێریی چڕی پزیشکیدان.

 
چیرۆکی سەرەکی: شەوی ڕابردوو دایکێک ژەمە خواردنێک بۆ چوار منداڵەکەی ئامادە دەکات کە تێکەڵەیەک بوو لە ئێندۆمی، هێلکە، ڤانیلا و شەربەتی مۆز، پاش چەند کاتژمێرێک باری تەندرووستی هەرچوار منداڵەکە تێکدەچێت و دوای ئەوەی دەیانگەیەننە نەخۆشخانەی بەعقوبەی فێرکاری یەکێکیان کە کچێکی تەمەن 11 ساڵە گیان لەدەستدەدات، بەرەبەیانیی ئەمڕۆش یەکێکی دیکەیان کە کوڕە و تەمەنی پێنج ساڵە ئەویش گیان لەدەست دەدات، دووانی دیکەشیان کە تەمەنیان 7 و ساڵە تائێستا لەژێر چاودێریی چڕی بزیشکیدان. 

 

ڕاگەیێنراوی فەرمی: سەرچاوەیەکی پزیشکی لە نەخۆشخانەی بەعقوبەی فێرکاری ڕایگەیاند:  بۆ ئاشکراکردنی هۆکاری ژەهراویبوونی ئەو چوار منداڵە، چاوەڕێی ئەنجامی پشکنینی تاقیگەیی و لێکۆڵینەوەی پزیشکی دەکەین بەڵام زۆر قورسە ژەمێکی سادەی ناوماڵ ئەو کارەساتەی لێبکەوێتەوە.

 

زانیاریی زیاتر: بەگوێرەی کەسوکاری ئەو خێزانە، باوکی منداڵەکان شەربەتی مۆزی لە یەکێک لە بازاڕە میللییەکانی ناوچەکەی کڕیوە و پێدەچێت ماوەی بەسەرچووبێت و ڕەنگە ئەوەش هۆکاری کارەساتەکە بێت بەڵام تائێستا ئەو بابەتە یەکلانەبووەتەوە.