لە دهۆك 20 پڕۆژەی نوێی پیشەسازی دادەمەزرێت

ئاڤا نیوز

بەمەبەستی پشتیوانیكردنی بەرهەمی ناوخۆ لەپێناو بەهێزكردنی ژێرخانی ئابووریی كوردستان، لە دهۆك مۆڵەتی دامەزراندن بە 20 پڕۆژەی پیشەسازی دەدرێت.

چیرۆكی سەرەكی: بەسەرپەرشتی د. عەلی تەتەر، پارێزگاری دهۆك، ئەمڕۆ چوارشەممە 1ـی ئۆكتۆبەری 2025، كۆبوونەوەیەكی فراوان بە بەشداری ئەندامانی لیژنەی پیشەسازی و وەبەرهێنان لە دیوانی پارێزگای دهۆك بەڕێوەچوو، كە تێیدا بڕیاری جێبەجێكردنی ژمارەیەك پڕۆژەی وەبەرهێنان درا.

لێدوانی فەرمی: د. هەڤال سەدیق، بەڕێوەبەری گشتیی وەبەرهێنانی دهۆك تایبەت بە ئاڤا ڕایگەیاند، لە كۆبوونەوەی ئەمڕۆ، مۆڵەتی دامەزراندنی 20 پڕۆژەی پیشەسازی و وەبەرهێنان درا بەئامانجی پشتیوانیكردنی بەرهەمی كارگەكانی ناوخۆ لەپێناو بەهێزكردنی ژێرخانی ئابووری.

زانیاریی زیاتر: ئەو مۆڵەتانەی دراون بۆ دروستكردنی ژمارەیەك كارگەی خواردن، بیناسازی، پیشەسازی، نیشتەجێكردن و كشتوكاڵن، هاوكات كار بۆ خێرا تەواوكردنی ئەو پڕۆژە پیشەسازییانە دەكرێت كە پێشتر مۆڵەتیان پێ دراوە و ئێستا لە قۆناغی جێبەجێكردندان.

لەلایەكی دیكەوە: د. عەلی تەتەر، پارێزگاری دهۆك دووپاتیكردەوە، مەرجی پێدانی مۆڵەت بەهەر پڕۆژەیەكی پیشەسازی ئەوەیە؛ ڕەچاوی ڕێنمایی و یاساكانی حكومەتی هەرێمی كوردستان بكرێت و پرۆژەكە لە بەرژەوەندیی گشتیدا بێت و ڕەچاوی مەرجەكانی ژینگەدۆستی و پاكڕاگرتنی ژینگە بكرێت و هەلی كار بۆ هاونیشتمانییان بڕەخسێنێت، بەلەرچاوگرتنی ئەو خاڵانە، سەرجەم پشتیوانییە كارگێڕییەكانی پارێزگای دهۆك بەدەست دەهێنێت.