ترەمپ و شی جینگ پینگ کۆدەبنەوە

ئاڤا نیوز

دۆناڵد ترەمپ ڕایدەگەیێنێت، لە چوار هەفتەی داهاتوودا چاوی بە سەرۆکی چین دەکەوێت و لەمیانەدا گرفتێكی جووتیارانی ئەمریكا چارەسەر دەكەن.

چیرۆكی سەرەكی: بڕیارە دۆناڵد ترەمپ، سەرۆکی ئەمریکا، لە چوار هەفتەی داهاتوودا لەگەڵ شی جینگ پینگ، سەرۆکی چین کۆ دەبێتەوە و  سۆیا دەبێتە بابەتێکی سەرەکیی گفتوگۆکان و چارەسەری کێشەی جووتیارانی ئەمریکا دەکات.

ئەوەی پێویستە بیزانیت: لە کاتی شەڕی بازرگانیی نێوان واشنتن و پەکینەوە هاوردەکارانی چین هێشتا سۆیایان لە دروێنەی پاییزی ئەمریکا نەکڕیوە و بە هۆیەوە جووتیارانی ئەمریکا ملیاران دۆلاریان لەدەست چووە.

زانیاریی زیاتر: پاییز وەرزی سەرەکی بەبازاڕکردنە بۆ سۆیای ئەمریکی، چونکە جووتیاران بەرهەمی تازە لە کێڵگەکانیانەوە دەهێنن، بەڵام چین کە سەرەکیترین هاوردەکاری سۆیایە لە جیهاندا و لەبەر شەڕی بازرگانی لەگەڵ ئەمریکا ڕووی لە ئەمریکای باشوور کردووە بۆ وەرگرتنی پێداویستییەکان، ئەمەش فشاری خستۆتە سەر نرخی سۆیا لە ئەمریکا.