وتەبێژی یەكێتی: یەكێتی ڕژدە لەسەر ئەوەی هاوبەشێكی ڕاستەقینەی حكومەت بێت

ئاڤا نیوز

وتەبێژی یەكێتی ڕایدەگەیەنێت، یەكێتی كاتێك بەشداری لە پێكهێنانی كابینەی نوێی حكومەت دەكات كە هاوبەشێكی ڕاستەقینە بێت.

چیرۆكی سەرەكی: پارتی و یەكێتی لە سەروبەندی پێكهێنانی كابینەی نوێی حكومەتدان و ئەو پرسە لە قۆناغی كۆتاییدایە، هەفتەی ڕابردوو دووجار لە پیرمام لەسەر ئاستی باڵا كۆ بوونەوە.

لێدوانی فەرمی: كاروان گەزنەیی، وتەبێژی یەكێتیی نیشتمانیی كوردستان، لە كۆنفرانسێكی ڕۆژنامەوانیدا ڕایگەیاند، یەكێتی كاتێك بەشداری لە پێكهێنانی حكومەتدا دەكات كە هاوبەشێكی ڕاستەقینە بێت و حكومەتەكەش خزمەتگوزاریی زیاتر بۆ هاووڵاتییان دەستەبەر بكات.

لەلایەكی دیكەوە: وتەبێژی یەكێتی ڕایگەیاند، حیزبەكەی بانگەشەی بۆ هەڵبژاردنی پەرلەمانی عێراق دەستپێكردووە و، هەموو ئامرازەكانی دیموكراسی لە بانگەشەكردن بەكاردەهێنن.