ئۆجەلان جەخت لەسەر ڕەخساندنی زەمینەسازیی یاسایی دەکاتەوە بۆ سەرخستنی پرۆسەی ئاشتی

ئاڤا نیوز

دەم پارتی لە ڕاگەیێنراوێكدا ئاشكرای دەكات كە لە كۆبوونەوەی دوێنێی لەگەڵ شاندی ئیمراڵیدا، ئۆجەلان جەختی لەوە كردووەتەوە كە پرۆسەی ئاشتی پێویستی بە ڕەخساندنی زەمینەسازی سیاسی و یاسایی هەیە و بە پێویستیشی دەزانێت سەدەی نوێی کۆماری تورکیا لەسەر بنەمای ئاشتی و یاسای دیموکراسییانە بونیاد بنرێت.  

 

وێنە گەورەکە: دەم پارتی ڕاگەیێندراوێکی لەبارەی کۆبوونەوەکەی دوێنێ هەینی 3.10.2020 پەروین بوڵدان، میدحەت سانجار و فایق ئۆزگور ئەرۆڵ، ئەندامانی شاندی ئیمراڵی لەگەڵ عەبدوڵڵا ئۆجەلان بڵاو کردەوە.

لە ڕاگەیەندراوەکەدا ئاماژە بەوە دراوە کۆبوونەوەکە نزیکەی 3.5 کاتژمێری خایاندووە و ئۆجەلان تەندروستی و ورەی باش و بەهێز بووە و سوپاسی هەموو ئەوانەی کردووە کە ڕۆڵیان هەبووە لە دەستپێکردن بەم قۆناغەی پرۆسەی ئاشتی کە بە هۆیەوە ساڵێکە شەڕوپێکدادان لە تورکیا ڕووی نەداوە ڕێگە لە هەڕەشەی گەورە گیراوە.

لێدوانی فەرمی: بەپێی ڕاگەیێندراوەکەی دەم پارتی ئۆجەلان باسی لەوە کردووە یەکێک لە شێوازە گرنگەکانی چارەسەرکردنی کێشەکان لە دوای زیانە کوشندەکانی جەنگ لە جیهان و پێکدادانە وێرانکەرەکانی سێ سەدەی شارستانییەت، دانوستانی دیموکراسییانەیە و ڕایگەیاندووە: "بە بەبنەماگرتنی پێکهێنانی میکانیزم و شێوازی لەم جۆرە دەبێت زۆربەی کێشەکانی تورکیا لە ناوخۆ و دەرەوە چارەسەر بکرێن".

پێشنیازیشی كردووە  سیاسەتی دانوستانی دیموکراسییانە باڵ بەسەر تەواوی پەیوەندییە کۆمەڵایەتییەکاندا بکێشێت.

 

بە تەنیشت ئەم بابەتەوە: ئۆجەلان جارێکی دیکە جەخت لەوە دەکاتەوە وەک ئەو پەیامەی 27.2.2025 بڵاوی کردەوە، سەرخستنی پرۆسەکە پێویستی بە ڕەخساندنی زەمینەسازیی سیاسی و یاساییە و دەڵێت: "ڕەخساندنی ئەم زەمینەسازییە بە شێوەیەکی دروست و گشتگیر، ئێجگار گرنگە".

ئەم پەیامەی ئۆجەلان لە کاتێکدایە، پێشتر ڕایگەیاندبوو ئەگەر ئەو کۆمیسیۆنەی بۆ پرۆسەی چەکدانانی پەکەکە لە پەرلەمانی تورکیا پێک هێنراوە سەردانی بکات، ئەوا دەست دەکات بە پرۆسەی دانوستانی دیموکراسییانە.

زانیاریی زیاتر: ئۆجەلان بە پێویستی دەزانێت سەدەی نوێی کۆماری تورکیا لەسەر بنەمای ئاشتی و یاسای دیموکراسییانە بونیاد بنرێت.