بە تۆمەتی دژایەتی دەسەڵات، ئێران هاونیشتمانییەکی خەڵکی سنە لە سێدارە دەدات

ئاڤا نیوز

بە تۆمەتی ئەوەی دژایەتی دەسەڵاتی کردووە، ئەمڕۆ سامان محەممەدی هاونیشتمانی سنەی ڕۆژهەڵاتی کوردستان دوای چوار ساڵ زیندانیکردن، لەسێدارە درا.

چیرۆکی سەرەکی: بەیانی ئەمرۆ شەممە، سامان محەممەدی کە هاونیشتمانییەکی خەڵکی سنەی رۆژهەڵاتی کوردستانە، لە زیندانی قزڵجەی شاری کەرەج لەسێدارە درا. تۆمەتی ئەوە درابوویە پاڵ دژایەتی دەسەڵاتی کردووە و ماوەی چوار ساڵ لە زیندان بووە.

زانیاریی بەدەستهاتوو: ڕێکخراوەکانی مافی مرۆڤ دەڵێن،  سامان محەمەدی لەو ماوەی لە زیندان بووە، بە زۆر دانپێدادانیان پێکردووە لەسەر هەندێک شت کە نەیکردووە، هاوکات ئەشکەنجەیەکی زۆریان داوە.

لەلایەکی دیکەوە:  هەر ئەمرۆ جگە لە سامان محەممەدی، شەش زیندانی تریش کە عەرەب بوون، بەتۆمەتی پەیوەندی لەگەڵ ئیسرائیل لە ئەهواز لە سێدارە دران.