بە ئامادەبوونی سەرۆکوەزیران مەسرور بارزانی چالاکییەکانی تێدێکس نیشتمان دەستپێدەکات

ئاڤا نیوز

بە ئامادەبوونی سەرۆکوەزیران مەسرور بارزانی چالاکییەکانی تێدێکس نیشتمان لە شاری هەولێر دەستپێدەکات. 

وێنە گەورەکە: زیاتر لە هەشت ساڵە کۆنفڕانسی تێدێکس نیشتمان بە بیرۆکە و نوێکاری و بڵاوکردنەوە بیری هاندەرانە و بنیاتنەرانە لەرێگەی کەسانی ئەزمووندار و نوێخواز لە ناوەخۆ و دەرەوەی وڵات هانی کۆمەڵگە دەدات، ئەمساڵیش کۆنفڕانسەکە بە ژمارەیەک بیرۆکە و بابەتی نوێ بەڕێوە دەچێت.

زانیاریی زیاتر: سەرۆکوەزیران مەسرور بارزانی ئامادەی تێدێکس نیشتمانی ئەمجارە دەبێت و وتارێک پێشکەش بە ئامادەبووان دەکات. 

لێدوانی فەرمی: ڕەوەند حوسێن، ڕێکخەری تێدێکس نیشتمان بە ئاڤا میدیای گوت: ئەمساڵ 10 وتاربێژی تێدێکس نیشتمان بەشدارییان دەبێت، قسە لەسەر 10 بابەتی جیاواز و نوێ دەکەن و بیرۆکەی تازە دەخەنەڕوو.

ئەمەش بزانە:  ئەمساڵ زیاتر لە هەزار و 300 گەنج بەشداری لەم چالاکییە دەکەن، بەهۆی زۆری ڕێژەی ئامادە بووانیشەوە دوو هۆڵی گەورە تەرخان کراوە و لە یەکێک لە هۆڵەکان چالاکییەکان لە ڕێگەی شاشەوە نمایش دەکرێت. 

گۆشەیەکی دیکەی دیمەنەکە: ئەمساڵ بۆ یەکەمجارە "کوردستان فاوەندەیشن" شوێنێکی لە تێدێکس نیشتمان داناوە بۆ زۆنی داهێنەران، ئەو کەسانەی داهێنەرن لە هەرێمی کوردستان دەتوانن داهێنانەکانیان لەو شوێنە نمایش بکەن.