پەیامێک لە مەسرور بارزانییەوە لەبارەی بانگەشەی هەڵبژاردن

ئاڤا نیوز

مەسرور بارزانی، سەرۆكوەزیرانی كوردستان لەكاتی بەشداری لە چالاکییەکانی تیدێكس نیشتمان لەبارەی بانگەشەی هەڵبژاردن پەیامێکی ئاراستەی کاندیدەکان و دەنگدەران کرد.

چیرۆکی سەرەکی: ڕۆژی هەینی، 2025-10-03 بانگەشەی هەڵبژاردنی پەرلەمانی عێراق دەستپێکرد و تاوەکو 2025-11-08 بەردەوام دەبێت، کۆمسیۆن ڕێنمایی و شێوازی بانگەشەی دیاری کردووە، پڕۆسەکە لە هەرێمی کوردستان بەشێوەیەکی زۆر باش بەڕێوەدەچێت و تاوەکو ئێستا هیچ پێشێلکارییەک لەلایەن کۆمیسیۆنەوە تۆمار نەکراوە.

لێدوانی فەرمی: مەسرور بارزانی، سەرۆکوەزیرانی کوردستان لەکاتی بەشداریکردنی لە "تێدێکس نیشتمان" ڕایگەیاند: هیوادارم هەموو لایەک بە شێوەیەکی زۆر شارستانیانە بانگەشەی هەڵبژاردن بکەن، دەنگ بدەن بەو کەسانەی دەتوانن زیاتر خزمەتی ئەو وڵاتە بکەن، خەمخوری ئەو خەڵکە و ئایندەی گەشی ئەو وڵاتەن.

زانیاریی زیاتر: سەرۆکوزیران مەسرور بارزانی دەشڵێت: خەڵکی ئێمە باش تێگەیشتووە کێ دەتوانێت زیاتر خزمەتیان بکات، هیوادارم هەموو لایەک بەشدارییەکی کارا بکەن بۆ ئەوەی نوێنەری ڕاستەقینەی خۆیان هەڵبژێرن.