سەرۆکوەزیران مەسرور بارزانی پیرۆزبایی جەژنی جەما لە ئێزدییەکان دەکات

ئاڤا نیوز

سەرۆکوەزیران مەسرور بارزانی، بەبۆنەی جەژنی "جەما" پەیامێک ئاراستەی ئێزدییەکان دەکات و ڕایدەگەیێنێت: جەخت لە پشتیوانیی مافە ڕەواکانی خوشک و برایانی ئێزدی دەکەینەوە.

پەیامی فەرمی: لە پەیامەکەی سەرۆکوەزیران مەسرور بارزانیدا هاتووە: بەبۆنەی جەژنی "جەما"، پیرۆزباییەکی گەرم لە تەواوی خوشک و برایانی ئێزدی لە کوردستان و جیهان دەکەم، هیوادارم ڕۆژەکانی جەژن بە خێر و خۆشی بەڕێ بکەن. جەخت لە پشتیوانیی مافە ڕەواکانی خوشک و برایانی ئێزدی و خزمەتکردنیان دەکەینەوە.

ئەوەی پێویستە بیزانیت: جەژنی "جەما" بە یەکێک لە کۆنترین جەژنی ئیزدییەکان دادەنرێت، لە 6ـی 10ـی هەموو ساڵێک دەستپێدەکات و ماوەی حەوت ڕۆژ بەردەوام دەبێت، هاوکات ژمارە حەوت لەلای ئێزدییەکان ژمارەیەکی پیرۆزە. لەو ماوەیەدا ئێزدییەکان ئامادەکاریی خۆیان دەکەن و دەچنە لالش، هاوکات چەندین ڕێوڕەسمی تایبەت ڕێک دەخرێن.