فۆڕمی خوێندنی بەخۆڕایی لە ئاڤاوە بۆ قوتابخانە و باخچەی ساوایان

ئاڤا نیوز

دابینکردنی کورسی خوێندنی بەخۆڕایی بۆ كه‌سوكاری شه‌هیدان و کەمدەرامەتان لە ڕێگەی ئاڤا میدیا بەردەوامە و تا دێت ڕێژەکەی ڕوو لە زیادبوونە، ژمارەی کورسییەکانیش تاوەکو ئێستا گەیشتووەتە 29 کورسی خوێندن.

وێنە گەورەکە:  تا ئێستا دوو زانکۆ و پەیمانگایەک و قوتابخانەیەک و باخچەیەکی منداڵان لە ڕێگەی ئاڤا میدیاوە، 29 کورسی خوێندنیان بۆ قوتابییان بە خۆڕایی دابین کردووە و کەسوکاری شەهیدانیش پشکی شێریان بەردەکەوێت.

زانیاریی زیاتر: قوتابخانەیەک و باخچەیەکی منداڵان لە ڕێگەی ئاڤاوە 11 کورسی خوێندنی بەخۆڕایی بۆ کەسوکاری شەهیدان و کەمدەرامەتان دابین دەکەن.

لێدوانی فەرمی: شنۆ قادر محەممەد، خاوەنی باخچەی مندالانی هەژانی ئینگلیزی ناحکومی، لە شاری مامۆستایانی هەولێر ڕایگەیاند: لەبەر خۆشەویستیم بۆ ئاڤا و هەوراز گوڵپی لە پاڵ دابینکردنی پێنج کورسی خوێندنی بەخۆڕایی کە پێشبەندی بۆ کەسوکاری شەهیدان و ئەنفالکراوان دەبێت، 20 کورسی دیکەش 30٪ داشکاندن دەکەم، کە ئەویشیان لە ڕێگەی پشتگیری ئاڤا میدیاوە دەبەخشرێت.

لەلایەکی دیکەوە: پەیمانگای هێڤاری نوێی ناحکومی بەشی منداڵان، کە دەکەوێتە ناحیەی کەلەکچی لەسنووری قەزای شێخان لە ڕێگەی ئاڤا میدیاوە شەش کورسی خوێندنی بەخۆڕایی بۆ منداڵانی کەسوکاری شەهیدان و کەمدەرامەتان لە سنووری ناحیەی کەلەکچی و شێخان دابین دەکات. 

لە ڕێگەی ئەم بەستەرەوە دەتوانن خۆتان تۆمار بکەن