هەشت سەنتەری ئۆتیزمی حکومی لە کابینەی نۆیەمدا دروست کراون

ئاڤا نیوز

وەزیری کار و کاروباری کۆمەڵایەتی حکومەتی هەرێمی کوردستان ڕایگەیاند، تەنیا لە کابینەی نۆدا هەشت سەنتەری ئۆتیزمی حکومی دروست کراوە و هەشت سەنتەری دیکەش لە قۆناغی مۆڵەتپێدانن.

لێدوانی فەرمی: کوێستان محەممەد، وەزیری کار و کاروباری کۆمەڵایەتی حکومەتی هەرێمی کوردستان بە ئاڤا میدیای ڕاگەیاند: پێشتر 10 سەنتەری ئۆتیزم لە هەرێمی کوردستان هەبوو کە سێیان حکومی و حەوتیان ئەهلی بوون.

لەلایەکی دیکەوە: وەزیری کار و کاروباری کۆمەڵایەتی دەڵێت: لە کابینەی نۆدا هەشت سەنتەری حکومی دروست کراون و هەشت سەنتەری دیکەش لە قۆناغی مۆڵەتپێدانن.

زانیاریی زیاتر: ئێستا لە هەرێمی کوردستان 56 سەنتەری ئۆتیزمی حکومی و ئەهلی هەیە.

ئەوەی پێویستە بیزانیت: 30 هەزار کەمئەندامی بێ مووچە لە هەرێمی کوردستان تۆمار کراوە، کە زیاتر لە 13 هەزار کەسیان پشکنینان بۆ کراوە و ڕەوانەی بەغدا کراون، بۆ ئەوەی لە بودجەی 2026 تەرخانی داراییان بۆ بکرێت.