40 هەزار کەس لە سنووری ئیدارەی سەربەخۆی سۆران زەوی وەردەگرن

ئاڤا نیوز

ڕێکارەکانی دابەشکردنی زەوی لە سنووری ئیدارەی سەربەخۆی دەستیپێکرد، نووسراو بۆ شارەوانییەکان کراوە بۆ ئەوەی پشتگیری ئەو کەسانە بکەن کە زەوییان بۆ دەرچووە بەوەی پێشووتر سوودمەند نەبوون.

 

وێنە گەورەکە: هەنگاوەکانی دابەشکردنی زەوی بەسەر فەرمانبەران بەردەوامە و تا ئێستا ڕەزامەندیی پێدانی زەوی بە نزیکەی 485 هەزار فەرمانبەر و خانەنشین و پێشمەرگە دراوە، لە سنووری هەندێک شارەوانیش دابەشکردنی زەوی دەستی پێکردووە.

 

لێدوانی فەرمی: خەسرەو ئیسماعیل، بەڕێوەبەری گشتیی شارەوانییەکانی سۆران بە ئاڤای گوت، "بەشێکی زەوییەکانمان ئامادەکردووە، تاوەکو ئێستا 40 هەزار ناومان بۆ گەڕاوەتەوە کە لە سنووری هەر شەش قەزاکە سوودمەند دەبن، بەشێکی دیکەی ناوەکان ماون بۆ ئەوەی بگەڕێنەوە، ئەگەر ڕێککارەکان تەواو بن مانگی داهاتوو دەست بە تیروپشک دەکەین."

 

زانیاریی زیاتر: بەڕێوەبەری گشتیی شارەوانییەکانی سۆران ئاماژەی بەوەشدا، کە سەرجەم شارەوانییەکان ئاگادارکراونەتەوە بەوەی وردبینی لەو ناوانە بکەن کە ڕەزامەندی وەرگرتنی زەوییان هەیە، بۆ ئەوەی دڵنیا ببنەوە کە پێشووتر زەوییان پێنەدراوە، دوای ئەو ڕێککارە دەست بە پرۆسەی دابەشکردنی زەوییەکان دەکرێت.