ژمارەی کورسییە خۆڕاییە دابینکراوەکانی خوێندن لەڕێگەی ئاڤا میدیاوە گەیشتە 57 کورسی

ئاڤا نیوز

لە درێژەی هەوڵەکانی ئاڤا میدیا بۆ پشتگیریکردنی قوتابیانی کەمدەرامەت و کەسوکاری شەهیدان، پەیمانگای نۆلج لەسەر ڕاسپاردەی دەشتی حاجی نەجمەدین، سەرۆکی دەستەی ئەمینداران لە شاری هەولێر، 10 کورسی خوێندنی دیکەی لە ڕێگەی ئاڤا میدیاوە دابین کرد. بەمەش ژمارەی کۆی کورسییە دابینکراوەکان لە چەندین زانکۆ، پەیمانگا و باخچەی ساوایانەوە گەیشتە 57 کورسی.

چیرۆکی سەرەکی: گرووپی میدیایی ئاڤا دەستپێشخەرییەکی بۆ قوتابیانی کەمدەرامەت و کەسوکاری شەهیدان و زیندانیانی سیاسی بۆ بەدەستهێنانی کورسی خۆڕایی و داشکاندن لە خوێندن لە زانکۆ و پەیمانگە و قوتابخانە و باخچەی ساوایانەوە ڕاگەیاندووە، تا ئێستا 57 کورسی دابینکراوە و ئارەزوومەندان دەتوانن لەڕێگەی لینکی خوێندن بەخۆڕایی لە ئاڤا داواکاری پێشکەش بکەن.

زانیاریی زیاتر: پێشتر زانکۆی نۆلج و ئێستاش پەیمانگاکەیان، هاوکارییەکی بەردەوامیان لەم پڕۆژەیەدا هەبووە. 

پەیمانگای نۆلج لە هەولێر، پڕۆگرامی خوێندنی دوو ساڵەی هەیە و ئەم بەشانە لەخۆ دەگرێت:

٠ خانووبەرە

٠ بازاڕیکردن 

٠ بیناسازی

٠ وزەی نوێبووەوە

٠ دیزانی هەیکەلی 

ئەوەی پێویستە بیزانیت: بەشێک لەو دامەزراوانەی کورسی خوێندنیان دابین کردووە، ڕایانگەیاندووە کە هەر کەسێکی دیکەش پشتگیری ئاڤا میدیای پێ بێت، داشکاندنی تایبەتی بۆ دەکەن.