پەیامێک لە مەسرور بارزانییەوە لەبارەی ئاگربەستی غەززە

ئاڤا نیوز

سەرۆکوەزیران مەسرور بارزانی پێشوازی لە ڕێککەوتنی نێوان حەماس و ئیسرائیل بۆ ئاگربەستی غەززە دەکات و هیوادارە "ڕێگەخۆشکەر بێت بۆ سەقامگیریی لە ڕۆژهەڵاتی ناوەڕاست".

 

وێنە گەورەکە: بەرەبەیانیی ئەمڕۆ پێنجشەممە دۆناڵد ترەمپ، سەرۆکی ئەمریکا لە تۆڕی کۆمەڵاتیی ترووس سۆشیاڵ ڕایگەیاند، هەریەک لە بزووتنەوەی حەماس و ئیسرائیل لەسەر قۆناغی یەکەمی پلانی ئاشتی لە غەززە ڕێککەوتن.

لێدوانی فەرمی: سەرۆکوەزیرانی هەرێمی کوردستان لە نووسینێکدا لە تۆڕی کۆمەڵایەتیی ئێکس ڕێککەوتنەکە بە "هەنگاوێکی گرنگی سەرەتایی بۆ کەم کردنەوەی گرژییەکانی ناوچەکە دەکات" ناو دەبات.

سەرۆکوەزیران هیوادارە "ئەم ڕێککەوتنە ڕێگاخۆشکەر بێت بۆ سەقامگیرییەکی درێژخایەن لە ڕۆژهەڵاتی ناوەڕاست.

 

ئەوەی پێویستە بیزانیت: دوای پەیامەکەی ترەمپ، بزووتنەوەی حەماس لای خۆیەوە هەواڵی گەیشتن بە ڕێککەوتنی ڕاگەیاند و ئاشکرای کرد کە بەنێوەندگیریی قەتەر، تورکیا، میسر و ئەمریکا بۆ کۆتاییهێنان بە جەنگ لەگەڵ ئیسرائیل گەیشتن بە ڕێککەوتن.

دەقی نووسینەکەی مەسرور بارزانی لە ئێکس:

"پێشوازی لە ڕێککەوتنی ئاگربەستی غەززە دەکەین، هەنگاوێکی سەرەتایی گرنگە بۆ کەم کردنەوەی گرژییەکان لە ناوچەکە. هیوادارین ئەمە ڕێگا بۆ سەقامگیرییەکی درێژخایەن لە ڕۆژهەڵاتی ناوەڕاست خۆش بکات."