برینداری دووەمی ڕووداوەکەی ئەمرۆی گەڕەکی زانکۆ لە سلێمانی گیانی لەدەست دا

ئاڤا نیوز

برینداری دووەمی ڕووداوی تەقینی تانكییەكی هەڵگرتنی نەوت لە سلێمانی، گیان لەدەستدەدات و ژمارەی گیانلەدەستدانی ڕووداوەكە بۆ دوو كەس بەرز دەبێتەوە.

چیرۆکی سەرەکی: پێشنیوەڕۆی ئەمڕۆ هەینی 10ـی ئۆكتۆبەری 2025، لە گەڕەکی زانکۆی سلێمانی، دوو کرێکاری بە ڕەگەز ئێرانی، لەکاتی ئیزۆگامکردنی سەربانی ماڵێک، تانکییەکی هەڵگرتنی سووتەمەنیی نەوتی سپییان پێدا دەتەقێتەوە.

زانیاریی پەیامنێر: ژیوار عەبدولرەحمان، پەیامنێری ئاڤا لە سلێمانی ڕایگەیاند: ئەو دوو کرێکارە لەکاتێکدا سەرقاڵی کاری خۆیان بوون، ئاگر لەدەستیان دەردەچێت و دەبێتە هۆی تەقینەوەی تانکییەکە.

لە ئەنجامی ئەو تەقینەوەیە یەکێک لە کرێکارەکان بەهۆی زۆری ڕێژەی سووتانەکەیەوە، دەستبەجێ گیان لەدەست دەدات و ئەوەی تریان بە برینداری گەیێنرایە نەخۆشخانە، بەڵام بەهۆی سەختی برینەكەی، كەمێك پێش ئێستا ئەویش گیان لەدەستدەدات.

ئەمەش بزانە: پۆلیسی سلێمانی، پەڕاوی لێکۆڵینەوەی لەسەر هۆكاری ڕووداوەكە كردووەتەوە و لێكۆڵینەوەكان بەردەوامن.