مەزڵووم عەبدی: هێزەکانی هەسەدە دەبنە بەشێک لە سوپای سووریا

ئاڤا نیوز

مەزڵووم عەبدی، فەرماندەی هێزەکانی سووریای دیموکرات(هەسەدە) دەڵێت، هەسەدە دەچێتە ژێر چەتری وەزارەتی بەرگریی سووریا و دەبێتە بەشێک لە سوپا هاوکات ئاماژەی بەوەشکرد، بەم نزیکانە لیژنەیەکی سەربازیی سەردانی دیمەشق دەکات.

 

وێنە گەورەکە: لە 10ـین ساڵیادی دامەزراندنی هەسەدە کە دەکاتە 10ی 10، مەزڵووم عەبدی پەیامێکی بڵاوکردەوە و پابەندبوونی خۆی بۆ بوون بە بەشێک لە سوپای سووریا و بەرگریکردن لە ناوچەکە دژی تیرۆریستان دووپات کردەوە.

 

ڕاگەیێنراوی فەرمی: مەزڵووم عەبدی ڕایگەیاند: لیژنەی سەربازیمان بەم زووانە سەردانی دیمەشق دەکات بۆ گفتوگۆکردن لەسەر یەکخستنی هێزەکانی سووریای دیموکرات. گوتیشی، "لە چوارچێوەی هەماهەنگیدا، بەردەوام دەبین لە شەڕی دژی داعش لە سەرتاسەری سووریادا".

 

زانیاریی زیاتر: ئەمە لە کاتێکدایە، ڕۆژی سێشەممەی ڕابردوو، مورهەف ئەبو قەسرە، وەزیری بەرگریی سووریا، ئاگربەستی دەستبەجێی بەدرێژایی هەموو هێڵەکانی پێشەوە لەگەڵ هەسەدە لە ناوچەکانی باکوور و باکووری ڕۆژهەڵاتی سووریا ڕاگەیاند، ئەوەش دوای دیداری مەزڵووم عەبدی لەگەڵ ئەحمەد شەرع، سەرۆککۆماری سووریا و ئەبو قەسرە لە دیمەشق.