بارەگای بارزانی: سەرۆك بارزانی حكومەتی ڕاسپاردووە هیچكات قوربانیدانی هەڵەبجە فەرامۆش نەكرێ

ئاڤا نیوز

 

بارەگای بارزانی ڕوونكردنەوەیەك سەبارەت بە دروستكردنی پاركێك لە پارێزگای هەڵەبجە بڵاو دەكاتەوە و دەڵێ سەرۆك بارزانی وەك هەمیشە حكومەت و لایەنە پەیوەندیدارەكانی ڕاسپاردووە كە هیچكات قوربانیدانی هەڵەبجە فەرامۆش نەکرێ.

 

ڕاگەیێنراوی فەرمی: بارەگای بارزانی ڕایگەیاند: ماوەی چەند ڕۆژێكە لە ژمارەیەک میدیا و ڕاگەیاندندا وا بڵاو کراوەتەوە کە لەسەر ئەرکی جەنابی سەرۆک بارزانی پارکێک وەک دیاری دراوەتە هاووڵاتیانی شاری هەڵەبجە و ڕێکاری پێویست بۆ دروستکردنی پارکەکە گیراوەتەبەر.

زانیاریی زیاتر: بارەگای بارزانی لە ڕوونكردنەوەكەدا بە خەڵکی کوردستان و هەڵەبجە ڕادەگەیێنێت: ئەوە بەرپرسیارێتیی حکوومەت و لایەنە پەیوەندیدارەکانە خزمەتی خەڵکی خۆشەویستی شاری هەڵەبجە و هەموو شوێنێکی کوردستان بکەن و ئەوەی سەرۆک بارزانی کردوویەتی وەک هەمیشە تەنیا ئەوە بووە کە حکوومەت و لایەنە پەیوەندیدارەکانی ڕاسپاردووە، هیچکات قوربانیدانی هەڵەبجە فەرامۆش نەکەن دەبێ هەموو لایەک بە باشترین شێوە خزمەتی هەموو کوردستان و بە تایبەتی هەڵەبجە بکەن.