چوار شوێنی دیکە لە ڕێگەی ئاڤاوە کورسی خوێندنی بەخۆڕایی بۆ کەسوکاری شەهیدان و کەمدەرامەتان دابین دەکەن

ئاڤا نیوز

دابینکردنی خوێندنی خۆڕایی لە ڕێگەی ئاڤا میدیاوە ڕۆژانە ڕووی لە زیادبوون دەکات، چوار شوێنی دیکەش کورسی خوێندنی بەخۆڕایی بۆ کەسوکاری شەهید و کەمدرامەتان دابین دەکەن.

چیرۆکی سەرەکی: ڕۆژی 11-10-2025، پەیمانگایەک و قوتابخانەیەک و دوو دایەنگەی منداڵان ئۆفەری خوێندنی خۆڕاییان لە ئاڤا میدیاوە بۆ کەسوکاری شەهید و کەمدرامەتان خستە ڕوو، کە ئەمانەن.

یەکەم: پەیمانگەی دیلمان بۆ فێربوونی زمانی ئینگلیزی، پێنج کورسی بەخۆڕایی بۆ کەسوکاری شەهیدان و کەمدەرامەتان دابین دەکات، ئۆفەرەکەش بۆ یەک کۆرسە و بۆ ماوەی دوو مانگە، ناونیشانەکەی لە گەڕەکی مەنتکاوەی هەولێرە لە کۆڵانی پشت مزگەوتی ڕەشاد موفتییە.

دووەم: قوتابخانە و باخچەی منداڵانی کۆشش دوو کورسی خوێندن دەکاتە دیاری بۆ کەسوکاری شەهیدان بۆ ماوەی یەک ساڵ، ناونیشانەکەی لە گەڕەکی سەفین سێی هەولێرە لە بەرامبەر شووقەکانی مینی سلاڤا. 

سێیەم: دایەنگەی ئاسمان داشکانی 50%ی بۆ دوو کورسی خوێندن بۆ ماوەی ساڵێک دەکات، ناونیشانەکەی لە شوقەکانی مینی سلاڤەیە لە سەر شەرقامی 120 مەتری هەولێر. 

ئەوەی پێویستە بیزانیت: تاوەکو ئێستا چەندین زانکۆ و پەیمانگا و قوتابخانە و دایەنگە کورسی خوێندنی خۆڕاییان بۆ قوتابیانی کەسوکاری شەهید و کەمدرامەت لە ڕێگەی ئاڤا میدیاوە کردووە بە دیاری.