زێلێنسکی: تاکە زمان کە پووتین تێیبگات 'زمانی گوشارە'

ئاڤا نیوز

ڤۆلۆدێـمیر زێلێنسکی، سەرۆکی ئۆکراینا لەبارەی ڤلادێمیر پووتین، هاوتا ڕووسییەکەی دەڵێت، تاکە زمان کە دەتوانێت بەسەر پووتیندا زاڵ بێت زمانی گوشارە.

چی ڕوودەدات: شەڕی ڕووسیا و ئۆکراینا بەردەوامە، ئۆکراینا ئاشكرای دەکات درەنگانی دوێنی شەو ڕووسیا بە 300 درۆن و 37 مووشەک ‌هێرشی بۆ سەر ژێرخانی وزەی ئۆکراینا ئەنجامدراوە.

بڵاوکراوەی فەرمی: ڤۆلۆدێمیر زێلێنسکی، سەرۆکی ئۆکراینا لە ئێکس ڕایگەیاند، 'ڕووسەکان هەموو ڕۆژێک بەکاردەهێنن بۆ ئەوەی لە ژێرخانی وزەی ئێمە بدەن، پووتین گوێی کەڕە لە ئاست هەموو ئەو شتانەی جیهان دەیڵێت، بۆیە تاکە زمان کە دەتوانێت بەسەریدا تێپەڕێت، زمانی گوشارە'

لە درێژەی پەیامەکەیدا زێلێنسکی داوا لە ئەمریکا و وڵاتانی ئەوروپا دەکات، کە یارمەتیدەر بن و بڕیار بدەن سزا بەسەر ڕووسیادا بسەپێنن، دەشڵێت، ئێستا لە ڕۆژهەڵاتی ناوەڕاستدا ئاشتی هەیە، لە ئەوروپادا ئەمەش دەکرێت سبەی لە واشنتن باسی ئەمە دەکەم'.

زانیاریی زیاتر: بڕیار وایە سبەی دۆناڵد ترەمپ و زێلێنسکی کۆببنەوە، لەکاتێکدا، ترەمپ بێهێوابوونی خۆی بەرامبەر بە پووتین دەربڕیوە، چاوەڕوان دەکرێت لە کۆبوونەوەی سبەی کێیڤ داوای پیشتیوانی سەربازی لە واشنتن بکات.