مامۆستایه‌ک له‌ دوو قوتابیی ده‌دات و په‌روه‌رده‌ ڕێكار ده‌گرێته‌به‌ر

ئاڤا نیوز

بەهۆی ئەنجامدانی تووندوتیژی لەبەرامبەر دوو قوتابی سەرەتایی، پەروەردەی هەولێر ڕێکاری یاسایی بەرامبەر مامۆستایەک دەگرێتە بەر.

چیرۆکی سەرەکی: قوتابخانەیەکی کورانی نوێی هەولێر، مامۆستایەک تووندوتیژی بەرامبەر قوتابییەکی پۆلی پێنج و چواری سەرەتای بەکاردەهێنێت بەجۆرێک قژیان ڕادەکێشێت و  بە زلە پشتیان سوور دەکاتەوە. 

بەدواداچوونی ئاڤا: دوای ئەوەی پەیامنێری ئاڤا دەچێتە ماڵی ئەو دوو قوتابییە و وێنەی شوێنی لێدانەکەیان دەبینێت، پەیوەندی بە مامۆستاکەوە دەکات و مامۆستاکە پێی ڕاگەیاندووە داوای لێبوردن دەکەم و سەردانیشیان دەکەم. 

لێدوانی فەرمی: دوای گەیاندنی سکاڵای کەسوکاری ئەو دوو قوتابییە، بەڕێوبەری پەروەردەی هەولێر دەڵێت، لێکۆڵینەوە لەو بابەتە دەکەین بۆ ئەنجامدانی ڕێکاری یاسایی.