ئاڤای خەڵک؛ دانیشتووانی گەڕەکی خەلیفاوا لە سلێمانی داواکارییان هەیە

ئاڤا نیوز

کەسوکاری قوتابییانی گەڕەکی خەلیفاوای سلێمانی گردبوونەوە و داوای دابینکردنی بینایەکی تایبەت بە قوتابخانە بۆ منداڵەکانیان دەکەن، دەڵێن: ماوەی 17 ساڵە خانووێک کراوە بە قوتابخانە. 

چیرۆکی سەرەکی: دانیشتووانی گەڕەکی خەلیفاوای سلێمانی، چەندین ساڵە داوای گۆڕینی باڵەخانەی قوتابخانەیەک دەکەن، بەهۆی ئەوەی جێگە نەماوە و 50 قوتابی لە یەک پۆلدا وانە دەخوێنن و تەنانەت گۆڕەپانی پشوودانیشی نییە. 

بەدواداچوونی ئاڤا: دایکی یەکێکی دیکە لە قوتابییەکان دەڵێت، لەکاتی پشووی نێوان وانەکاندا گۆڕەپانێک نییە بۆ منداڵەکان و لە گەڕەک و کۆڵانەکاندا بڵاودەبنەوە و  هەموو کاتێک مەترسییان لەسەرە، تەنانەت مەکتەبەکە تەوالێتێکی نییە منداڵەکان ناچارن تا تەواوبوونی دەوام خۆیان بگرن.

لێدوانی فەرمی: شیلان غەفوور، بەرێوەبەری بەشی بیناسازی پەروەردەی سلێمانی لەبارەی داواکاری خەڵکی ئەم گەڕەکە دەڵێت: خێرخوازێک بینایەکی نوێی بۆ قوتابخانەکە دروستکردووە بەڵام بەهۆی ئەوەی ئێمە ئاگادار نەبووین نازانین بیناکە گونجاوە و سەلامەتە بۆ مەکتەب یان نا، ئێستا لیژنەیەکی شارەزامان ڕاسپاردووە هەڵسەنگاندن بۆ ئەو بینایە بکەن هەرکات ئەوان ڕەزامەندییان دا، مەکتەبەکە دەگوازینەوە بۆ ئەو بینا نوێیە.