هاوپەیمانی "ئیبداع کەربەلا" ڕاستی هەوڵی تیرۆرکردنی کاندیدێکیان ئاشکرا دەکات

ئاڤا نیوز

هاوپەیمانی داهێنانی کەربەلا بە فەرمی ئەو دەنگۆی هەوڵی تیرۆرکردنی بەربژێرێکی کە هاوکات، ئەندامی ئەنجوومەنی پارێزگای کەربەلای ڕەتکردەوە.

چیرۆکی سەرکی: شەوی پێنجشەممەی ڕابردوو 16-10-2025 چەندین پەیجی سۆشیاڵ میدیا لە زاری، ماجیدە عەرداوی، کاندیدی لیستی "ئیداع کەربەلا" و ئەندامی ئەنجوومەنی پارێزگای کەربەلا بڵاویانکردەوە، دوای ئەوەی لە کۆبوونەوەیەکی جەماوەری بانگەشەی هەڵبژاردن لەناوچەی سیاحی پارێزگای کەربەلا گەڕاوەتەوە، عەرداوی ڕووبەڕووی هەوڵی تیرۆرکردن بووەتەوە لەلایەن چەند چەکدارێک تەقەی لێکراوە. 

ڕاگەیێنراوی فەرمی: لە بەیاننامەی هاوپەیمانی ئیبداع کەربەلا هەواڵی هەوڵی تیرۆرکردنی ماجدە عەرداوی ڕەتکردەوە و ڕایگەیاند: بە هیچ شێوەیەک ئەم خاتوونە تەقەی لێنەکراوە و هەواڵەکە هەرچۆنێک داڕێژرابێت دوورە لە ڕاستییەوە. 

زانیاریی زیاتر: لەبەشێکی دیکەی بەیاننامەکەدا هاتووە، ئەوەی ڕوویداوە تەنیا بیستنی دەنگی تەقە بووە لەو ناوچەیەی کە عەرداوی تێیدا ئامادە بووە، و هیچ پەیوەندییەکی بە کردەوەی تیرۆرکردنی کەسییەوە نییە.