جۆن بۆڵتۆن دەدرێتە دادگا

ئاڤا نیوز

جۆن بۆڵتۆن، ڕاوێژکاری پێشووی ئاسایشی نیشتمانی لە ئیدارەی یەکەمی دۆناڵد ترەمپ، لەلایەن داواکاری گشتی فیدراڵییەوە تۆمەتبار کراوە و ئەگەری هەیە بۆ دەیان ساڵ زیندانی بکرێت.

 

چیرۆکی سەرەکی: وەزارەتی دادی ئەمریکا دۆسیەیەکی پێشکەش بە دەستەی دادوەریی باڵای فیدراڵی لە ویلایەتی میریلاند کرد کە بۆی دەرکەوت بەڵگەی پێویست هەیە بۆ تۆمەتبارکردن و دادگاییکردنی بۆڵتۆن. 

 

زانیاریی زیاتر: ئەم هەنگاوە دوای ئەوە دێت کە بریکارەکانی ئێف بی ئای لە مانگی ئابدا ماڵ و ئۆفیسی بۆڵتۆنیان پشکنیوە لە چوارچێوەی لێکۆڵینەوەیەکدا سەبارەت بە چۆنیەتی مامەڵەکردن لەگەڵ بەڵگەنامە نهێنییەکان و بڵاوکردنەوەی زانیاریی نهێنی.

ئەمەش بزانە: جۆن بۆڵتۆنی تەمەن 76 ساڵ دەبێتە سێیەم ڕکابەری سیاسی سەرۆکی ئەمریکا کە لە چەند هەفتەی ڕابردوودا ڕووبەڕووی تۆمەت دەبێتەوە؛ دوای ئەوەی جەیمس کۆمی، بەڕێوەبەری پێشووی FBI و لێتیتیا جەیمس، داواکاری گشتیی نیویۆرکیش تۆمەتبار کران.