سەرۆکی پەرلەمانی عێراق: بکوژی کاندیدەکەی بەغدا دەستگیرکرا

ئاڤا نیوز

دوای تێپەڕبوونی پێنج ڕۆژ بەسەر کوژرانی لە باکووری بەغدا، سەرۆکی پەرلەمانی عێراق دەستگیرکردنی بکوژی سەفا حوسێن مەشهەدانی، ئەندامی ئەنجوومەنی پارێزگای بەغدا و کاندیدی هاوپەیمانیی سیادەی بۆ پەرلەمانی عێراق ڕاگەیاند.

وێنە گەورەکە: 15ی ئەم مانگە لە ناوچەی تارمیەی باکووری بەغدا، ئۆتۆمبێلی سەفا حوسێن مەشهەدانی، ئەندامی ئەنجوومەنی پارێزگای بەغدا و کاندیدی  هاوپەیمانیی سیادە بۆ پەرلەمانی عێراق، لەڕێگەی بۆمبی چێنراوەوە بە ئامانج گیرا و ڕووداوەکە بووەهۆی کوژرانی ئەو کاندیدە.

لێدوانی فەرمی: مەحموود مەشهەدانی، سەرۆکی پەرلەمانی عێراق لە چاوپێککەوتنێکدا لەگەڵ کەناڵی نەهرەین ئاماژەی بەوەکرد، بکوژی سەفا مەشهەدانی ئاشکراکراوە و لەئێستادا لەلایەن هێزە ئەمنییەکانەوە وتەی لێوەردەگیرێت، دواتریش وردەکارییەکان لەبارەی کوژرانی ئەو کاندیدە بۆ ڕایگشتی ئاشکرا دەکرێت.