دەست بە دابەشکردنی پارەی گەنمی جووتیارانی سلێمانی دەکرێت

ئاڤا نیوز

لە دوو ڕۆژی داهاتوو دەست بە دابەشکردنی بەشی دووەمی پارەی گەنمی جووتیارانی سنووری سلێمانی دەکرێت.

وێنە گەورەکە: پرۆسەی دابەشکردنی پارەی گەنمی جووتیارانی هەرێمی کوردستان لە سنووری پارێزگاکانی هەولێر و دهۆک بەردەوامە، لە دوو ڕۆژی داهاتووشدا لە سنووری سلێمانی دەست بە دابەشکردنی پارەی گەنجی ئەو جووتیارانە دەکرێت کە گەنمەکانیان داوەتە عێراق.

لێدوانی فەرمی: نەوزاد شێخ کامیل، بەڕێوەبەری گشتیی بازرگانی لە وەزارەتی بازرگانیی هەرێمی کوردستان بە ئاڤای وت: ئەگەر ڕێکارە کارگێڕییەکان تەواو بکرێن، ئەوا لە دوو ڕۆژی داهاتوو دەست بە دابەشکردنی بەشی دووەمی پارەی گەنمی جووتیارانی سلێمانی دەکرێت، ئەگەر ڕێکارەکانیش تەواو نەبوون ئەوا دەچێتە سەرەتای هەفتەی ئایندە.
 

زانیاریی زیاتر: بە گوتەی نەوزاد شێخ کامیل، ئەو پارەیەی گەنمی جووتیاران کە لە سنووری سلێمانی دابەش دەکرێت، بڕەکەی شەش ملیار دینار دەبێت. 

ئەمەش بزانە: لە هەولێر پڕۆسەی دابەشکردنی پارەی گەنمی جووتیاران بەردەوامە و بڕەکەی پێنج ملیار دینارە، هەروەها لە سنووری دهۆک نزیکەی چوار ملیار و نیوی پارەی ئەو جووتیارانە دابەش دەکرێت.