بڕیارەکەی ئەمریکا دژی کۆمپانیاکانی ڕووسیا 3%بەهای نەوتی لە جیهان بەرزکردەوە

ئاڤا نیوز

 

دوای بڕیارەکەی ڕۆژی چوارشەممەی ئەمریکا بۆ سەپاندنی سزا بەسەر دوو کۆمپانیای نەوتی ڕووسیدا، ئەمڕۆ نرخی نەوت لە جیهاندا 3% بەرزبوونەوەی بەخۆیەوە بینیی و نرخی بەرمیلێک نەوتی برێنت بە 64 دۆلار و 58 سەنت مامەڵەی پێوەدەکرێت.

 

چیرۆکی سەرەکی؛ ڕۆژی چوارشەممە ئەمریکا سزای بەسەر هەردوو کۆمپانیای ڕووس نەفت و لوک ئۆیلی ڕووسیدا سەپاند، ئەویش بەهۆکاری ئەوەی پاڵپشتی پێشکەش بە حکومەتی وڵاتەکەیان دەکەن لە جەنگیدا دژ بە ئۆکراین، لەکاتێکدا ئیدارەی دۆناڵد ترەمپ دەیەوێت سنوورێک بۆ شەڕەکە دابنێت کە لە شووباتی ساڵی 2022ەوە بەردەوامە و تائێستا سەرجەم هەوڵەکان بۆ ڕاگرتنی شەڕەکە بێ ئەنجام بوون.

 

کاریگەری و لێکەوتەکان؛ دوای بڕیارەکەی واشنتن، سەرلەبەیانیی ئەمڕۆ و لەگەڵ کرانەوەی بازارەکانی نەوتی جیهانی، نرخی نەوت بەڕێژەی 3% بەرزبوونەوەی بەخۆیەوە بینیی، بەجۆرێک  نرخی بەرمیلێک نەوتی برێنت بە 64 دۆلار و 58 سەنت مامەڵەی پێوەدەکرێت، بەرمیلێک نەوتی تێکساسی ئەمریکاش بە 60 دۆلار و 44 سەنت مامەڵەی پێوەدەکرێت.