نووسراوی خەرجکردنی مووچە گەیشتە تەیف سامی

ئاڤا نیوز

 

ئەمڕۆ پێنجشەممە ئەنجوومەنی وەزیرانی عێراق نووسراوی خەرجکردنی مووچەی مانگی هەشتی مووچەخۆرانی کوردستان ڕەوانەی وەزارەتی دارایی و تەیف سامی کرد.

 

چیرۆکی سەرەکی: ڕۆژی سێشەممە ڕێککەوتی 21ـی 10 2025، ئەنجوومەنی وەزیرانی عێراق بەسەرپەرشتیی محەممەد شیاع سوودانی و ئامادەبوونی تەیف سامی، وەزیری دارایی، کۆبوونەوەی هەفتانەی کرد، لە کۆبوونەوەکەشدا بڕیاری خەرجکردنی مووچە درا.

 

زانیاریی تایبەت؛ ئاڤا زانیویەتی نووسراوی خەرجکردنی مووچەی مانگی 8ـی مووچەخۆرانی کوردستان دوای ئەوەی بە نووسراو نێردرا بۆ وەزارەتی دارایی  بە نامەیەکی واتساپیش بۆ تەیف سامی ڕەوانە کرا.

 

ئەوەی پێشبینی دەکرێت؛ پێشبینی دەکرێت تەیف سامی لەماوەیەکی نزیکدا نووسراوی خەرجکردنی مووچە واژۆ بکات و پارە بخرێتە سەر هەژماری بانکیی وەزارەتی دارایی کوردستان.

 

باکگراوند: ڕۆژی سێشەممە وەزارەتی دارایی و ئابووریی هەرێمی کوردستان 120 ملیار دینار داهاتی نانەوتی مانگی هەشتی بە کاش خستە سەر هەژماری لقی هەولێری بانکی ناوەندی عێراق.