مەسرور بارزانی بە ڕێگای کەسنەزان – گۆمەسپان سەرسام دەبێت

ئاڤا نیوز

مەسرور بارزانی، سەرۆکوەزیرانی کوردستان کارەکانی ڕێگای کەسنەزان - گۆمەسپان بەسەردەکاتەوە و سەرسامی خۆی لە خێرا بەڕێوەچوونی پڕۆژەکە دەردەبڕێت.

چیرۆکی سەرەکی: ئەمڕۆ پێنجشەممە 23-10-2025، مەسرور بارزانی، سەرۆکوەزیرانی کوردستان پڕۆژەی دووسایدی کەسنەزان - گۆمەسپانی بەسەر کردەوە، ڕێگاکە پڕۆژەیەکى گرنگ و ستراتیژییە، لەلایەن کۆمپانیای هێمن گرووپەوە لە سنوورى هەولێر جێبەجێ دەکرێت.

پەیامی فەرمی: مەسرور بارزانی، سەرۆکوەزیرانی کوردستان وێڕای دەستخۆشی لە سەرپەرشتیار، ئەندازیار و کرێکارانی پڕۆژەکە، جەختی لە گرنگیی تەواوبوونی پڕۆژەکەی لە کاتی دیاریکراو بە پێی ڕێنمایی و پێوەرەکان کردەوە.

لێدوانی فەرمی: ئەمیر عەبدولخالق، بەڕێوەبەری پڕۆژەکانی ڕێگاوبانی کۆمپانیای هێمن گرووپ بە ئاڤای وت: "مەسرور بارزانی، سەرۆکوەزیرانی کوردستان سەرسامی خۆی لە خێرا بەڕێوەچوونی پڕۆژەکە دەربڕی، زۆر دڵی بە کواڵیتیی پڕۆژەکە خۆش بووە و دەستخۆشی لە ستافی کۆمپانیاکەمان کردووە."

بە گوتەی ئەمیر عەبدولخالق، ئێستا سایدێکی ڕێگاکە تەواو بووە، سایدەکەی تر لە قۆناغی تەواوبووندایە، ڕێگاکە لە کۆتاییەکانی ئەمساڵ بەڕووی شۆفێراندا دەکرێتەوە.

زانیاریی زیاتر: درێژیی شەقامەكە نزیکەی 16 كیلۆمەترە، پانی هەر سایدێك 11 مەترە، دوو ڕێڕەوی سەرەكی و ڕێڕەوێكی فریاگوزاریی دەبێت، پڕۆژەکە لە كۆتایی شەقامی كەسنەزان دەستپێدەكات، لە دەربەندی گۆمەسپان كۆتایی دێت. پڕۆژەکە لە 4 پرد، ئەرندەرپاسێک و 40 ئاوبەری سندووقی قەبارە جیاواز پێکدێت، پەرژینی خۆپاراستن و سیستمی ئاوەڕۆی هەیە.