لە عێراق ڤیدیۆی نیشاندانی شوێنە هەستیارەکانی جەستە بەناوی ڕیکلامەوە قەدەغە کرا

ئاڤا نیوز

سەندیکای پزیشکانی عێراق بڕیاریدا نیشاندانی ڤیدیۆ و وێنەی شوێنە هەستیارەکانی جەستە لەکاتی ئەنجامدانی نەشتەرگەری جوانکاریی و ڕیکلامکردن بەو بابەتە لە هەموو پزیشکانی وڵات قەدەغە بکات، ئەوانەشی سەرپێچی دەکەن سزادەدرێن.

چیرۆکی سەرەکی: 14ـی ئەم مانگە وەزارەتی تەندروستی عێراق و 21ـی ئەم مانگەش سەندیکای پزیشکانی عێراق بە دوو نوسراوی جیا، بەڵام لە ناوەڕۆکدا هەمان بابەت، پێکەوە بڕیاریاندا ڤیدیۆی نیشاندانی شوێنە هەستیارەکانی جەستە بەناوی ڕیکلامەوە قەدەغەبکەن، بەگوێرەی گشتاندنەکەش بڕیارەکە لە سبەی یەکشەممەوە جێبەجێ دەکرێت.

نووسراوی فەرمی: ئەمڕۆ شەممە دکتۆر مستەفا سەعدی، سەرۆکی نووسینگەی بەغدای سەندیکای پزیشکانی عێراق نووسراوێکی ئاراستەی سەرجەم پزیشکانی پارێزگاکە کردووە و تێیدا باسی لەوەکردووە، بە پاساوی نەشتەرگەری جوانکاری، نابێت هیچ وێنە و ڤیدیۆی بابەتێک بڵاوبکرێتەوە کە تێیدا شوێنە هەستیارەکانی جەستە دەردەکەوێت، بەپێچەوانەوە ئەوانەی سەرپێچی دەکەن سزادەدرێن.

دەقی نووسراوەکەی سەندیکای پزیشکانی عێراق بە زمانی عەرەبی