کاندیدێکی ناسراوی لیستەکەی سوودانی لە کێبرکێی هەڵبژاردن دوورخرایەوە

ئاڤا نیوز

بەهۆکاری ئەوەی بنەمای "ڕەوشتێکی باش و جوانی نییە"، کۆمیسیۆنی هەڵبژاردنەکانی عێراق کاندیدێکی لیستەکەی سوودانی بۆ هەڵبژاردن دوورخستەوە، کە گەنجێکی چالاکی تۆڕە کۆمەڵایەتییەکانە و تەنیا لە یوتیوب سێ ملیۆن بینەری هەیە.

 

وێنە گەورەکە: ئەنجوومەنی کۆمیسیاران لە کۆمیسیۆنی هەڵبژاردنەکانی عێراق بڕیاریداوە تا دوای هەڵبژاردن و دەرچوونی کاندیدەکانیش بۆ پەرلەمان، ئەگەر ڕاپۆرتی لایەنە پەیوەندیدارەکانی لەبارەی کاندیدەکان بەدەستبگات، دەتوانێت کاندیدەکان لە کێبرکێی هەڵبژاردن و گەیشتن بە پەرلەمان دووربخاتەوە.

 

ڕاگەیێنراوی فەرمی: ئەنجوومەنی کۆمیسیاران لە کۆمیسیۆنی هەڵبژاردنەکانی عێراق لە کۆبوونەوەی دوێنێ سێشەممەیدا بڕیاری دا سامر جیرمنی، کاندیدی ژمارە نۆ لە لیستی هاوپەیمانی ئاوەدانکردنەوە و گەشەپێدان لە پارێزگای واست، لە کێبرکێی هەڵبژاردن دووربخاتەوە، ئەویش بەهۆکاری ئەوەی ئەو کاندیدە بنەمای "ڕەوشت باشی" نییە.

 

ئەمەش بزانە؛ سامر جیرمنی گەنجێکی ناسراوە لە تۆڕە کۆمەڵایەتییەکان و بڕگەی لاساییکردنەوە و کۆمیدی پێشکەش دەکات، ناوبراو لە تەنیا لە یوتیوب 3.3 ملیۆن بینەری هەیە.