وەزارەتی ناوخۆی عێراق ڕێنمایی نوێ بۆ مۆڵەتی ڕاوکردنی باڵندە بڵاودەکاتەوە

ئاڤا نیوز

عێراق دەرگا بۆ ڕاوچییە بیانییەکان دەکاتەوە و وەزارەتی ناوخۆش ڕێنمایی نوێی بۆ وەرزی ڕاوکردن دەردەکات، بە دۆلار مۆڵەت دەبەخشرێت و خزمەتگوزاریی تایبەتیش دابین دەکرێت.!

ڕاگەیێنراوی فەرمی: وەزارەتی ناوخۆی عێراق، ڕێنمایی و مەرجەکانی پێدانی ڤیزای هاتنە ناوەوە بۆ وەرزی ڕاوکردنی 2025-2026 بڵاوکردەوە، ئەمەش وەک وەڵامێک بۆ زۆریی داواکاریی ڕاوچییە عەرەب و بیانییەکان. وەرزی ڕاوکردن لە 1ی کانوونی یەکەمی 2025 دەستپێدەکات و تا 1ی شوباتی 2026 بەردەوام دەبێت.

شێوازی جێبەجێكردن: داواکاریی وەرگرتنی ڤیزا لە ڕێگەی فۆڕمی ئەلیکترۆنییەوە دەبێت. گرووپەکانی ڕاوچی، کە ژمارەیان لە 5 کەس کەمتر نەبێت و لە 15 کەس زیاتر نەبێت، لە ڕێگەی بریکارێکی یاساییەوە داواکاری پێشکەش دەکەن. داواکارییەکان لە 1ی کانوونی یەکەمی 2024 دەستپێدەکات تا 25ی تشرینی دووەمی 2025.

ژمارەکان وادەڵێن: نرخی ڤیزا بە دۆلاری ئەمریکی دیاری کراوە، بۆ گرووپی 5 کەسی 150 دۆلارە و بۆ گرووپی 15 کەسی 400 دۆلار. هەروەها بڕی 25 هەزار دۆلاری ئەمریکی (یان هاوتای بە دیناری عێراقی) وەک خەرجی خزمەتگوزارییەکانی وەک پێشوازی، گواستنەوە، خۆراک و چادر بۆ گرووپە یاوەرەکان وەردەگیرێت.

ئەوەی پێویستە بیزانیت: وەزارەتی ناوخۆ جەخت لەسەر پابەندبوون بە یاسای پاراستنی گیانلەبەرانی کێوی ژمارە 17ی ساڵی 2010 دەکاتەوە و هەر سەرپێچییەک لە یاساکانی ڕاوکردندا لێپێچینەوەی یاسایی لێدەکەوێتەوە. هاوکات، داوا لە کۆمپانیا ئەمنییە مۆڵەتپێدراوەکان کراوە کە زانیاری وردی ڕاوچییەکان پێشکەش بکەن.