نوخشە ناسیح: داهاتی فێستیڤاڵی هەڵەبجە زیاتر لە یەک ملیۆن دۆلار بوو

ئاڤا نیوز

فێستیڤاڵی هەنار لە هەڵەبجە تەواوبوو، کە تیێدا دەرفەتی بەبازاڕکردنی گەورەی ڕەخساندبوو بەبڕی زیاتر لە ملیارێک و 700 ملیۆن دینار بەرهەمی خواردن و کشتوکاڵی لە فێستیڤاڵەکە ساغکراونەتەوە و هەزاران هەلی کاری ڕاستەوخۆ و ناڕاستەوخۆی ڕەخساند.

چیرۆکی سەرەکی: سێ ڕۆژە هەڵەبجە جمەی دێ لە گەشتیار و سەردانیکاری ناوخۆ و بیانی، خێر و بێری زۆری بۆ ناوچەکە هێنا و هەزاران کەس سوودمەند بوون، جگە لەوەی دەیان تۆن بەرهەمی کشتوکاڵی و خواردەمەنی ساغ کراونەتەوە.

لێدوانی فەرمی: نوخشە ناسیح، پارێزگاری هەڵەبجە، لە کۆنگرەیەکی ڕۆژنامەوانیدا ئاماری سێ ڕۆژی فێستیڤاڵەکەی خستەڕوو کە بەم شێوەیەن:-

٠ بایی یەک ملیار و 700 ملیۆن دینار بەرهەمی جۆراوجۆر لەفێستیڤاڵەکە فرۆشراون، 700 ملیۆن دینار بەرهەمی کشتوکاڵی، 800 ملیۆن دینار  بەرهەمی خواردەمەنی و 200 ملیۆن دینار کاری دەستی.

٠ 81 هەزار ئۆتۆمبێل لەماوەی سێ ڕۆژدا چوونەتە نێو هەڵەبجە، 55 مەنشەئە، 204 پاس و 720 مینی پاس، هەروەها چوار هەزار و 900 کەسیش بە مانتۆڕ لە فێستیڤاڵەکە بەشداریان کردووە.

٠ 419 هەزار و 700 گەشتیار و سەردانیکەر لەماوەی سێ ڕۆژی فێستیڤاڵەکە هاتووەنەتە هەڵەبجە و 35% ـیان سەردانی ناوچە گەشتیارییەکانیان کردووە.

٠ 700 کەپر و ستاند کە فێستیڤاڵەکە دانرابوون، 210 کەس هەلی کاری ڕاستەوخۆ و سێ هەزار هەلی کاری ناڕاستەوخۆی بۆ هاووڵاتیان و کاسبکاران ڕەخساند.

٠ زیاتر لە هەزار پلاتفۆڕم میدیایی ڕووماڵی فێستیڤاڵیان کردووە و نزیکەی هەزار و 400 ڕۆژنامەنووس و میدیاکاریش ئامادەبوون.