هاوکاریی دارایی هاوپەیمانان بۆ مانگی 10 دابەش دەکرێت

ئاڤا نیوز

بڕیارە لەم هەفتەیە هاوکاریی دارایی هاوپەیمانان دابەش بکرێت و زۆرینەیان لەڕێگای ئامێرەکانی ڕاکێشانی پارەی پڕۆژەی "هەژماری من" هاوکارییەکە وەردەگرن.

وێنە گەورەکە: هاوپەیمانان تاوەکو 01-01-2026 مانگانە هاوکاری دارایی بۆ لیوا هاوبەشەکانی پێشمەرگە دابین دەکەن، بۆ مووچەی مانگی 10 زیاتر لە 70 هەزار ئەفسەر، پلەدار و پێشمەرگە سوودمەند دەبن.

لێدوانی فەرمی: سەرچاوەیەک لە وەزارەتی پێشمەرگە بە ئاڤا میدیای وت، لەماوەی پێنج ڕۆژی داهاتوودا دەست دەکرێت بە دابەشکردنی هاوکاری هاوپەیمانان بۆ مانگی 10، زۆرینەی ئەفسەر و پلەدار و پێشمەرگەکان لە ڕێگای ئامێرەکانی ڕاکێشانی پارە هاوکارییەکە وەردەگرن.

ئەوەی پێویستە بیزانیت: لە پێناو یەکگرتنەوەی هێزەکانی پێشمەرگە، مانگانە هاوپەیمانان بڕێک پارەی پاڵپشتی بە هێزەکانی پێشمەرگە دەدەن.